Book 6: Chapter 7-Pagkawala ng anak nila Kailani

"MAGBANTAY ka sa labas at baka matunton nila kayo dito habang nililinis ko ang sugat niya." Utos ni Cristy sa kanya, ang kapatid ni Darwin, matapos nito malinis din ang kanyang sugat.

Ipinagpasalamat ni Kiko na nurse ang babae kung kaya may alam sa gamutan. Ayon dito ay hindi ito kilala ng amo ni Darwin kung kaya bahagyang napanatag ang kanyang loob.

Lumipas ang isang araw na panatag ang loob ni Kiko at bumubiti na rin ang kalagayan ni Lights. Nasalinan na rin ito ng dugo na binili pa sa red cross. Siya ang bumabalik na rin kahit papaano ang lakas dahil nakainum ng tamang gamot at naka-kain ng maayos. Tumagal pa sila ng isang linggo doon dahil pabalik-balik ang lagnat ni Lights sanhi ng impeksyon sa sugat nito.

"Kailangan na nating umalis sa lugar na ito. May nakapagsabi sa akin na may mga taong naghahanap sa dalawang binatilyo sa bayan." Imporma ni Cristy kay Kiko na nakabantay kay Lights.

"Saan tayo pupunta?" Kinakabahan na tanong ni Kiko dito.

"Luluwas muna tayo sa Manila at doon