Book 6: Chapter 13-Dark

"PINAPATAWAG ka ni Boss," pagbigay imporma ni Dark kay Mae habang hinaharangan ang daraanan ng dalaga.

"May problema ba?" Matapang na sagot ni Mae sa kaharap. Normal na kasuutan lamang ang kanyang suot ngayon at hindi rin niya dala ang kanyang espada.

"Gusto ka lamang niyang makausap kung kaya pinasusundo ka niya." Mahinahon na sagot ni Dark sabay lahad ng kamay sa harap ng dalaga paturo sa sasakyang motor.

"Mauna na kayo at susunod na lamang ako."

"Bilin ni Boss na kailangang sabay tayong umuwi."

Napapiksi si Mae ng hawakan ng mahigpit ni Dark ang kanyang kamay at sapilitan na isinasama.

"Ayaw niyang sumama kung kaya huwag mo pilitin, Pare!" Sita ni Micko sa lalaking nakatalikod sa kanya at hawak ang babaeng nakilala niya agad ang mukha.

Lihim na napamura si Mae sa sarili nang makilala kung sino ang nagpapakabayani ngayon para sa kanya. Ni hindi siya kinabahan kanina sa presensya ni Dark at ng isa pang nakabuntot sa kanya. Pero ngayon ay kinabahan siya hindi para sa kanyang kaligtas