Book 6: Chapter 19-Rescue

"Kailangan maghanda ang lahat bukas at huwag ihiwalay ang headset sa katawan upang hindi mawala ang communication sa bawat isa." Anunsyo ni Micko matapos na maklaro ang plano ni Lucas sa pagpaslang sa kanya bukas.

Kasama na ni Mae si Dark pagbalik sa tinutuluyang bahay dahil diskumpyado si Lucas na hindi niya magawa ang pinagagawa nito sa kanya. Naawa siya sa kasama dahil naging isip bata ito minsan dala marahil ng malakas na pagka umpog ng ulo nito noon at ang tinururok pa na gamot dito ni Lucas.

"Tawagan mo na." Utos ni Dark sa kanya na tila naiinip. Si Micko ang tinutukoy nito upang e-set ang date sa hotel. Ni-loud speaker pa niya ang cellphone upang marinig nito.

"Hindi mo alam kung gaano ako kasaya ngayon dahil pinagbigyan mo rin ang paanyaya kong date sa iyo!" Masiglang sagot ni Micko mula sa kabilang linya matapos sabihin ni Angel ang nais.

"Pero gusto ko ay sa hotel, "pinalambot ni Mae ang tinig at nasa boses niya ang tila nahihiya sa kanyang mungkahi.

"Walang problema, kahit