Book 6: Chapter 18-Aggressive kiss

"Pangako na wala nang makapanakit pa sa iyo mula ngayon. Pagkatapos ng misyong ito ay ibibigay ko sa iyo ang lahat upang tabunan ang masamang nakaraan na dinanas mo." Bulong ni Micko sa tainga ng dalaga at dahan-dahang gumapang ang bahagyang nakabuka na labi sa leeg nito. Sinamyo ang halimuyak ng amoy nito at dinampian ng magaan na halik ang bawat madaanan ng kaniyang labi.

"Kiko!" tanging namutawi sa labi ng dalaga at biglang na blangko ang kaniyang isipan. Sa halip na itulak ang ulo nitong nasa kaniyang leeg ay naipilig pa niya ang sariling ulo bilang pagpaubaya.

Nahigit ni Mae ang sariling hininga at bumilis ang pintig ng kaniyang puso nang maramdaman ang pagdiin ng halik ng binata sa kaniyang leeg. Para itong lobong gutom at sabik na matikman ang kaniyang laman. Kusang tumaas ang kaniyang dalawang kamay mula sa balikat ng binata papunta sa batok nito. Ang isang kamay ay napasabunot sa maiksi nitong buhok nang tumaas pa ang halik nito sa kaniyang panga. Hindi na rin niya maitago an