Book 6: Chapter 8-Panloloob ng kaaway

Mabilis na nakatayo muli ang lalaking napatumba ni Micko at muling sumugod sa babaeng ninja.

"Hindi mo ako tutulongan?" galit na singhal sa kanya ng babae sa mahinang tinig lamang nang mapaurong ito sa kanyang pwesto.

"Kailangan pa ba?" Kumakamot sa batok na balik tanong ni Micko dito. Hindi nito nakita ang ginawa niya kanina at ayaw niyang malaman ng babae ang kaniyang kakayahan.

Hindi na muli nakapagsalita ang babae dahil mabilis na umarangkada ang kalaban palapit sa kinaruunan nila. Kahit walang armas na hawak ay tumalon si Micko at sinipa ang kamay ng isa na may hawak na espada. Nabitiwan niyon kung kaya naging patas na ang laban nila. Mabilis ang kalaban at mukhang mas maraming alam keysa sa kanya sa martial art kung kaya napupurohan siya ng suntok at sipa nito. Ang babae ay patuloy na nakipag espadahan sa isa.

"Aray!" daing niya nang malakas na tumama ang likod sa seradura ng kanyang kotse dahil sa sipa ng kalaban sa kanyang tiyan. "Gusto mo talaga ng patayan?" Bulyaw niya dito