Book 6: Chapter 11-Trust

"SUSUNDUIN mo na ba ang iyong mga anak, Hija?" tanong ng madre kay Mae nang mapagbuksan siya ng pintuan.

May munting kunsensya siyang nadarama dahil maging sa mga ito ay nagsisinungaling siya. Ramdam niyang nanunubok ang mga tanong ng madre lalo na ang tinging ipinupukol sa kanya. Dalawang bata na ang nadala niya roon upang itago sa kanilang pinuno. Ayaw niya na matulad sa kanya ang mga ito na gawing assassin at mamatay tao. Noong una ay ayaw maniwala ng mga ito na anak niya ang unang bata na dinala niya roon. Pero nagdrama siya na sinasaktan siya ng kanyang asawa at ipinakita ang mga pasa sa braso at hita. Naawa ang mga ito kung kaya pumayag na pansamantalang kupkupin ng mga ito ang batang iniwan niya roon.

"Hindi pa po ako nakahanap ng tirahan para sa amin, Mother. Narito ako upang mag-iwan ng munting halaga para sa inyo at sa mga bata." Pinalungkot niya ang mukha habang inaabot ang pera na halagang ten thousand sa madre.

"Pagpalain ka ng Panginoon! Ipinagdadasal ka namin araw-araw