Book 6: Chapter 1-13 years ago sa buhay ni Micko

"HUMANAY sa tatlong linya!" sigaw ng lalaking naka itim sa sampung kabataan na naka suot din ng itim. Anim na lalaking labindalawang taon ang edad at apat na kababaihan na kaedaran lang din ng iba pa.

Mula sa isang hanay ay pilit na kino-control ni Kiko ang takot na namamahay sa musmos niyang damdamin. Dalawang buwan na rin mula nang mapadpad siya sa lugar na iyon kasama ng ilan pa. Hindi niya makilala ang ilan sa kasamahan, tulad niya ay may takip din ang mga mukha at tanging mata at bibig ang makikita. Kailangan nilang sumunod sa pinagagawa ng mga taong dumukot sa kanila upang hindi na muli makatikim ng parusa. Hindi niya alam kung saang lugar sila naroon ngayon. Napapalibutan ng puno at mataas na bakod ang paligid ng malaking bahay.

"Hawakang mabuti ang espada!" sigaw muli ng lalaki na siyang ikinapitlag ni Kiko at ng katabi niya na nakilala sa pangalang Lights.

"Sa grupong ito, walang dapat kayong kilalaning kaibigan! Ituring ninyo na kaaway ang bawat isa!"

Napatingin si Kiko sa k