Book 6: Chapter 2-His bad dream

NAHATI sa dalawang grupo ang kabataan kinabukasan. Ngayon susubukan ang lakas at liksi nila sa pakipag tunggali sa kalaban. Sa kasamaang palad ay napunta sa kabilang grupo si Raiko at Mae kung kaya makakalaban nila ni Lights ang mga ito. Hawak nila ng mahigpit ang stick na kawayan na nagsisilbing armas nila. Kailangan nilang magsanay humawak niyon umano at isiping espada ang hawak na nakakamatay.

Agad na pumorma si Kiko bilang paghahanda sa pag-atake ni Raiko. Bawat galaw ng isang paa nitong pumaikot ay kaniyang minamatyagan. Masasabi niyang magaling na ang babae dahil matagal na rin itong nagsasanay. Ang advantage niya lang ay isa siyang lalaki. Ayaw niyang manakit ng babae pero wala siyang magagawa kundi gawin ang labag sa kaniyang kalooban.

"Argh!" Daing ni Kiko nang tamaan siya ni Raiko sa binti.

"Lumaban ka at huwag maawa sa akin!" Galit na bulyaw nito sa kanya dahil puro iwas lang ang ginagawa niya upang hindi ito masaktan.

Umiling siya na ikinagalit lalo ng babae. "Gago! Mama