Chapter 9

Kumatok muna ng tatlong beses si Carol sa pintuan ng opisina ni Zale bago niya dahan-dahang buksan ang pinto.

Nakita niyang busy ang kanyang boss na nakatingin sa laptop nito. Bago tuluyan siyang pumasok sa loob, tinawag muna niya ang boss. “Sir,” sambit ni Carol habang nakatayo siya sa pintuan.

Dahan-dahang iniangat ni Zale, ang kanyang ulo at nagsalubong ang kanilang mga mata, ng kanyang secretary at assistant na si Carol.

Naging pormal ang mukha ni Zale at malamig na tumingin sa kaniyang secretary.

Tila naman kinabahan si Carol sa paraan ng pagkakatitig ni Zale sa kanya. Hindi niya maintindihan ang sarili; para bang may kaba siyang nadarama sa tuwing magtatama ang mga mata nilang dalawa ng boss niya.

"Yes!" Malamig na boses nito; parang naging doble ang lamig ng kwarto nang magsimula siyang magsalita si Zale.

Tila yata napipi si Carol; halos hindi na niya maibuka ang kanyang bibig. Hanggang ngayon, kahit may isang buwan na siyang nagtatrabaho kay Zale, hindi pa rin siya sanay