CHAPTER 32

Isa-isang tinitigan ni Rhea ang mga kaibigan ni Sergio. Lahat ng mga ito ay natahimik nang makita siya sa may garahe. Hindi niya pa maiwasang mapakunot-noo kasabay ng paghakbang palapit sa mga ito. Halos lahat kasi ay nabahala nang makita siya, na kung bakit ay hindi niya alam.

Galing siya sa loob ng bahay. Nang lapitan niya kanina si Jeselle ay nagpasama ito sa kanya sa banyo. Saglit lang naman sila ngunit hindi na nakasabay ang kaibigan niya sa paglabas ng bahay dahil saktong tumawag ang nobyo nito. Hindi na niya ito hinintay pa at nagpaabiso na mauuna na sa pagbalik sa labas upang estimahin ang ibang bisita sa kasal nila ni Sergio.

Mas pinili niyang dumaan sa may garahe kung saan naroon lamang sa malapit ang mesang inokupa ng mga kaibigan ng kanyang asawa. Naroon pa nga si Sergio at marahas na napalingon sa kanya nang magtanong siya.

Mabilis na napatayo si Sergio nang nakalapit na siya sa mga ito. Hindi pa nakaligtas kay Rhea ang pagsulyap nitong muli sa mga kaibigan bago siya