CHAPTER 34

Tahimik na nakatanaw si Rhea sa bakauran ng mga Arganza. Kasalukuyan siyang nasa teresa ng silid ni Sergio at naghihintay na makauwi ito. Hanggang nang mga sandaling iyon ay hindi pa rin mawala sa isipan niya ang mga sinabi ni Richard. Para iyong isang bomba na sumabog sa kanyang harapan at ngayon ay nagdulot sa kanya ng maraming sugat, partikular sa kanyang dibdib.

Humugot siya ng isang malalim na hininga. Naitukod niya pa ang kanyang dalawang kamay sa pasimano ng teresa kasabay ng pagtiim ng kanyang mukha. Nagagalit siya... nasusuklam dahil sa kanyang mga natuklasan. Ngayon ay malinaw na sa kanya ang lahat. Nauunawaan na niya kung bakit ganoon na lang kadeterminado si Sergio na magpakasal sila kahit noong wala pa mang nangyayari sa kanilang dalawa. It was because of his grandfather's last will and testament.

Laking pagtataka niya pa kung bakit ganoon na lang kadali para rito na sumang-ayon na pakasalan siya matapos silang nahuli ng kanyang mama at ni Fabian sa kuwadra. Walang nagana