CHAPTER 35

Maang na napatitig si Rhea kay Sergio. Hindi niya alam kung ilang saglit na namagitan ang nakabibinging katahimikan sa pagitan nilang mag-asawa. Walang nangahas na magsalita at pareho lang silang nakatitig sa mukha ng isa't isa.

Nakalarawan ang pagkamangha sa mukha ni Rhea. Hindi niya inaasahang marinig ang mga katagang iyon mula kay Sergio. Dahilan nga iyon para halos mapaawang ang kanyang bibig habang nakikipagpalitan ng tingin dito. Samantalang si Sergio ay may seryosong ekspresyon sa mukha. Halos nakatiim-bagang na ito habang nakatutok ang mga mata sa kanya.

Disimuladong hinamig ni Rhea ang kanyang sarili. Iniwasan niya ang mga titig nito saka pagak na natawa. Halos naging histerikal pa ang pagtawa niya na nagsanhi ng pagkunot ng noo ng kanyang asawa.

"Gusto?" ulit niya sa sinabi nito. "Yeah, right. Bakit, Sergio? Dahil ba sa naibibigay ko sa iyo ang pangangailangan mo bilang lalaki? It would be very easy for you to claim your marital rights. Legal tayong kasal, eh."

"Rhea, listen