CHAPTER 31

"You are so stupid! Simpleng bagay lang ang pinagagawa ko, hindi niyo pa magawa!" nangangalaiting sambit ni Richard sa lalaking kausap niya sa kanyang cell phone. Halos magtagis pa ang mga ngipin niya habang nagsasalita.

"Boss, sinunod namin ang utos mo. Nag-abang kami sa lugar na sinabi mo," wika ng lalaki mula sa kabilang linya.

"Istupido! Kung nag-abang kayo ay bakit nakarating pa rin sa simbahan si Rhea? Natuloy pa rin ang kasal!" he hissed angrily. Halos maglabasan pa ang mga ugat sa kanyang leeg dahil sa galit na kanyang nadarama.

Natuloy ang kasal ni Sergio sa anak ni Rebecca, bagay na labis niyang pinagngingitngit ngayon. Matapos nga ng kasal ay agad na silang bumiyahe pauwi sa Rancho Arganza kung saan ginanap ang reception ng mga ito.

Richard's jaws hardened. Naglakad pa siya patungo sa hardin kung saan walang halos na tao. Lahat ng bisita nina Sergio at Rhea ay nasa malawak na bakuran sa harap ng bahay. Abala ang mga ito sa pagkain habang idinadaos ang inilaang programa para