Chapter Sixteen

SA BAWAT ARAW na dumadaan ay makikita ang pagiging abala ni Cherry sa pag-aasikaso sa nalalapit na kaarawan ng anak. Dagdag pa rito ang preparasyon din para sa kanilang kasal ni Marvin. Halos hindi na rin ito makapag-pahinga. Gusto niya na nasa ayos ang lahat bago dumating ang espesyal na mga araw. Bagama't tumutulong din naman si Carlo sa paghahanda para sa kaarawan ng anak ay nais pa rin ni Cherry na walang makalimutang detalye ukol dito.

Naipamigay na rin nila ang imbitasyon para sa kaarawan ng anak. Lahat ng kamag-anak, kaibigan at kakilala ay nabigyan na ng imbitasyon. Syempre kasali din sa mga imbitado ang kanyang kapatid na talagang siniguro ni Margaret na mabigyan ng imbitasyon.

Pagkatapos ng birthday party ng anak ay ang kanilang pag-iisang dibdib ni Marvin naman ang bibigyang atensyon ng dalaga. Darating na sa susunod na Linggo ang mga ipinagawa nilang imbitasyon. Maging ang mga souvenir items ay darating na rin sa mga susunod na araw. Malapit na nga siyang maging Mrs. Marvi