Chapter Four

Ilang sandali ng makaalis si Carlo, dumating si Marvin, ang nobyo ni Cherry. Si Marvin ay kaklase ni Cherry sa elementarya at ngayon ay isa na ring magaling na inhinyero. Nagtapos itong Cum Laude at isa sa topnotcher sa Engineering Board Exam kung kaya't agad itong nakakuha ng magandang trabaho. Aaminin niya na nagkaroon ng puwang sa kanyang puso si Marvin dahil sa magandang pagtrato nito kay Margaret. Sa loob ng ilang taon, pilit na pinunan ni Marvin ang matinding pangungulila ni Margaret sa sariling ama. Sinasamahan nito si Cherry sa pagdalo sa mga patimpalak at school activities na sinasalihan ng bata kung kaya't mismong si Margaret ay naging malapit na rin dito.

"Kumusta? Napansin ko kanina ka pa parang nakatulala? Is there something wrong?" tanong ni Marvin habang papalapit ito sa kinauupuan niya.

"Ahmm.. I'm ok. May naalala lang ako." nakangiti niyang sagot.

"This is for you and this one's for Margaret, sweetheart." Malambing nitong sabi at inabot sa kanya ang bouquet of roses a