Chapter Fifteen

KAHIT NAKAHIGA na ay hindi pa rin maalis sa isip ng dalaga ang mga ikinuwento ng kanyang anak. Hindi niya lubos maisip kung bakit nahulog ang loob ng bata sa kanyang kapatid. Simula noong maliliit pa sila ay talagang hindi na sila masyadong magkasundo ng kanyang kapatid. Magkaiba kasi ang kanilang hilig at ugali. Si Joanna ay mahilig sa party at sa barkada. Samantalang siya naman ay bahay-klase-bahay lang ang daily routine. Ang kanyang Ate Joanna ay extrovert, kahit saan ay madali itong makahanap ng magiging kaibigan at dahil sa pagiging sikat na model nito ay marami din naman ang naghahangad na maging kaibigan ito. Samantalang siya ay iilan lamang ang naging kaibigan. Bagama't kaunti lang ang mga kaibigan niya ay sigurado naman siyang panghabambuhay ang pagkakaibigan nila. Kaya't simula ng ipinanganak niya si Margaret ay hindi niya kailanman nakita ang kapatid na nakipaglaro sa bata. Hindi niya ito nakitang kinarga man lang ang kanyang anak. Sa tingin niya tuloy ay suklam na suklam a