Chapter Seven

NALULUHANG NAKATINGIN na lamang si Carlota sa papaalis na anak. "Sana'y maayos ng kapatid mo ang kanyang buhay. Sana'y matauhan na siya habang maaga pa. Sana'y hindi siya nagka-ganito. Sana'y dumating ang panahon na makita namin siyang masaya at maayos,,, bago man lang kami mawala sa mundong ito." himutok nito. Naiiyak namang nakatingin si Cherry sa ina. Ramdam niya ang panghihinayang nito sa sinapit ng kapatid. Hindi naging maayos ang relasyon ni Joanna kay Joel pagkatapos ng ilang taong pagsasama. Palagi itong sinasaktan ng lalaki. Naging sobrang seloso ito at halos ayaw ng payagan si Joanna na magtrabaho. Hindi naging maayos ang pagsasama ng mga ito pagkatapos ikasal at nadagdagan pa iyon ng malaman ni Joanna na kung kani-kanino nakikipag-relasyon ang asawa lalo na nang hindi niya ito mabigyan ng anak.

"Wala po kayong kasalanan sa nangyari kay Ate Joanna, Mom. Ginusto niya pong maging ganyan ang kanyang buhay, hindi kayo nagkulang sa amin. Pwede naman po niyang iwan ang lalaking iy