012: You have me on your back

Habang bumabyahe sila papunta sa mansyon na siyang titirhan na nila mula ngayon ay hindi nalang maiwasan ni Lorelei ang makabahan. Iniisip kasi niya na baka pagdating nila sa mansyon ay hindi siya magustuhan ng pamilya ni Griffin. Sino nga lang ba siya? Isa lang naman siyang hamak na babaeng nakikisampid sa pamilya nila. Mayaman ang pamilya ng lalaki kaya alam niyang mayaman din ang gugustuhing magiging kabiyak ng anak nila.

Samatala, si Griffin naman, kahit ang tingin ay nanatiling nasa kalsada, ang tainga at atensyon nito ay na kay Lorelei parin. Hindi man niya sinasadya ay alam niyang biglaan nalang mapapansin ng katawan niya ang lahat ng nagiging reaksyon ni Lorelei sa tabi niya.

"Kinakabahan ka?" kapagkuwan ay pagtatanong ni Griffin sa dalagang kanina pa hindi mapakali sa tabi niya.

Si Lorelei naman ay hindi na maiwasang mapakurap-kurap. "S-Sinong kinakabahan? Natatakot lang ako na baka ay kung saan mo ako dadalhin. Malay ko ba kung ano nang nasa kukote mo. Hindi pa naman kita ki