Kabanata 7

“Bro ano ba ‘yan? Para kang tanga hubarin mo na nga ‘yan nasa loob na tayo,” wika ni Sir Gio sa kaniyang katabi.

Napaawang ng bahagya ang mga labi ko kasabay ng panlalaki ng mata ko sa nakita ko. Nagtaas ito ng kilay saka ngumisi.

“Maiwan ko na po kayo, Sir, Maam.” Paalam ko dahil wala naman na akong ibang gagawin pa.

“Wait lang, Kari!” pigil sakin ni Sir Gio.

“Since you’re new, I want you to meet my twin, Jed. Boss mo rin sya, so don’t get confuse ha? At itong isang manong dito ay boss mo rin,” aniya. Sa kabuuan, silang tatlo ang nagpapatakbo ng Bar na ito, at si Aki ang pangatlong. Karamihan sa mga empleyado ay hindi kilala si Aki at napaka-dalang daw nito dumalaw dito.

'Di gaya ni Sir Gio ay napakatahimik niya. Mukhang masungit pa at strikto. Muli na namang napadako ang tingin ko kay Aki na ganoon pa rin ang ekspresyon. Malalalim ang tingin sakin at diretsong diretso.

'Di na ako makatagal pa sa loob dahil sa takot sa kapatid ni Sir Gio pati na rin sa mga titig na Aki na parang gusto akong lamunin. Ano bang problema ng isang yon? Tss.

“Winnie!” tawag ko kay Winnie na nakabantay pa rin sa bukana ng entrance.

“Wow! Nandito ka pa pala, kala ko nag party party ka na, e!” mapang asar na sabi niya. Tinignan ko naman ito ng masama. May usapan kasi kami na sabay kaming magsasaya kaya nanunutya sya ng ganiyan.

“Ano nangyari?” pag uusisa nya.

“Nandito sina Aki at Solange,” diretsong saad ko.

“Ah, oo hehe. Di ko na sinabi, akala ko kasi di na mahalaga,” nangingiwing saad nya, tinitimpla ang reaksyon ko.

“Hindi naman talaga mahalaga, pero nabigla pa rin ako kahit papano dahil di sumagi sa isip ko na boss ko sya at dadalo sya dito,” pagkwekwento ko, hindi ko na sinabi pa sa kanya ang nangyari kanina saming dalawa doon sa VIP room.

“May kakambal pala si Sir Gio?” pagiiba ko ng usapan.

“Oo, meron. Nakita mo na ba? Alam ko nandito yun ngayon.”

“Oo, nakita ko. Nakakainis nga e. Napaka sungit. Alam mo ba kinabahan ako kasi kala ko pinagagalitan ako ni Sir Gio,” pagsusumbong ko sa kaniya na ikinatawa naman niya.

“Mabait yun ‘no! Di yun masungit, baka naman wala lang talaga sa mood? Si Sir Gio kasi madaldal at magaling makisama sa tao, yung kakambal nya? Total opposite niya yun. Pero hindi naman iyon masungit, basta! Makikita mo next time,” aniya, napa nguso na lang ako.

Hindi ako makumbinsi sa sinasabi ni Winnie na mabait yun. Tumatak na sakin na masungit yun dahil doon sa insidenteng yon. Kinabahan kaya ako, akala ko galit sakin si Sir Gio.

“Uy, girls! Kanina pa kayo naka duty dyan, you can party. Ipapasara ko na ang entrance, since nandito na lahat ng expected guests.” Nabigla naman kami ni Winnie sa biglang pag sulpot ni Sir Gio.

“CR lang ako mare,” walang ganang saad ni Winnie at agad na umalis. Hala? Nakita ko naman ang isang takas na ngisi ni Sir Gio.

“Ah, sige po Sir. Punta lang ako saglit sa locker room,” paalam ko. Tumango naman ito at umalis na.

Tumungo na ako sa locker room para magpahinga ng kaunti dahil nararamdaman kong kumikirot na ng kaunti ang paa ko dahil sa suot kong stilletos na kulay itim.

Sumandal ako sa upuan at tumingin sa itaas dahil ngalay at pagod ang likod at batok kaka bati sa mga customer na lumalabas at pumapasok. Halos limang minuto ako sa ganong posisyon. Pakiramdam ko nga ay wala na akong lakas para makisaya pa, parang gusto ko na lang matulog ng tuluyan at magpahinga.

Biglang sumagi sa isip ko si Aki. Naalala ko ang mukha niya kanina, yung gwapong mukha niya ay na imprenta na naman sa isip ko. Yung amoy niya na hindi na naman maalis sa ilong ko. Patagal ng patagal lalo siyang gumagwapo. Masasabi kong nag mature ang itsura niya, ang katawan niya ay lalo ring lumaki, naiisip ko kung gaano siya kadalas sa gym para mahubog ang ganong katawan.

May kung ano sa loob ko na gustong mag diwang dahil naramdaman ko na naman kung paano niya ako angkinin. Kung paano niya ako sawayin sa mga klase ng damit na isinusuot ko gaya ng ginagawa nya noon.

Pero mali, hindi pwede. Kaya hindi ako nagpadala sa nararamdaman ko kanina, sinasagot ko siya pabalik sa mga sinasabi niya at pinapa mukha na wala dapat siyang pakialam sakin dahil di niya ako pagma may-a*i. Na hindi na dapat siya nangingialam pa dahil nasa paligid lang ang asawa niya.

Alam kong hindi pa sila kasal pero hindi pa rin yun dahilan para samantalahin ang pagkakataon na lapitan si Aki. Nirerespeto ko si Solange bilang babae, alam ko kung gaano kasakit mawalan ng isang Joaquin sa buhay.

Napabuntong hininga na lang ako at napamulat sa kawalan. Humihiling na sana ay di ako muli lapitan ni Aki para di ako mahirapang magtago at umiwas, dahil ako mismo ay takot sa nararamdaman ko. Kaylangan ko panindigan ang naging desisyon ko, hindi ako magiging hadlang sa pagsasama ng ibang tao. Ayoko.

Nang pakiramdam ko ay napawi ng kaunti ang pagod ko ay lumabas na ako at iniayos ang sarili, sakto namang nakasalubong ko rin si Winnie.

“Oops! No taken is allowed to this game, unless you bring your partner. Meron ba?” pagpipigil ng isang host sa akin dahil na tripan ni Winnie na sumali kasama ako.

“Aww!” dinig kong pag alma ng ibang players kaya napatingin ako sa mga ito. Karamihan sa kanila ang mga lalaking naka suot ng violet na mask. Napangiwi naman ako.

“Single yan! Mali lang ng mask,” pag tutol ni Winnie kaya tinanggal ang suot kong mask na ikinahiyaw naman ng ibang players. Agad ko naman itong isinuot pabalik.

“Sure? Walang sabit? Nako, ayokong mayari ha! Hahaha,” mapag birong saad ng host. Tumango naman ako bilang kompirmasyon na ikinatuwa na naman ng mga players. Napangiti naman ako.

May designated area para sa mga ganitong palaro, meron din naman para sa mga ayaw maki halibulo o makisali at piniling manood na lang. Hindi na ganoon kalakas ang tugtog sa loob dahil sa mga larong nangyayari.

“We’re joining!” natigil naman ang mga taong nagsasaya sa biglaang pagsasalita ng isang babae.

“He’s my partner.” Nanlaki naman ang mata ko nang matauhan kung sino ang bagong sali dito sa game.

“Introduce yourself naman. What’s your name?”

“I’m Solange and this is my HUSBAND Joaquin,” madiin at ma awtoridad niyang sabi.

“Now, we have ten, stunning and sexy ladies here. What you are going to do is simple, you just have to find them......with blindfold ofcourse. Kaya tandaan na ninyo kung saan naka pwesto ang mga babaeng inyong tinatangi. And sa mga mag partner diyan, this is just a game ha? No fights after this hahaha.”

Matapos ang ilang anunsyo at instruction ay nagstart na rin ang game. Iniba iba nag aming pwesto, kaylangan hulaan ng mga lalaki kung nasaan ang kanilang partner o ang kanilang mga tipo.

Kinakabahan ako dahil bago mag lagay ng piring si Aki ay nakita kong nakatitig na naman siya sakin, na para bang sinasaulado maigi ang itsura ko at pwesto ko. Mabuti na lang at nagpalit palit kami ng pwesto.

Unti-unti ng lumalakad ang players sa harap. Ang iba ay nagsisimula ng maglahad ng kamay sa taong nasa harapan nila, kapag tinanggap ito babaeng nasa harap nila ay pwede na nilang tanggalin at piring upang makumpirma kung tama ng pagkakapili. ‘Yon nga lang, kung sino na ang kanilang nakamayan ay di na nila pwedeng mapalitan.

Nakita kong ilang minuto ng nakatayo lang si Aki sa pwesto nya, hindi gumagalaw at natitinag. Hindi ba nya hahanapin manlang si Solange?

Natuon naman ang pansin ko sa isang lalaki na may katangkaran. Ilang hakbang na lang ay malapit na siyang makarating sa kinatatayuan ko.

Aabutin ko na sana ang kamay na nakalahad sa harap ko pero nagulat akong may ibang dumampot nito. Napatingin ako sa kung sinong gumawa non.

“Aki...” napaawang ng bahagya ang bibig ko ng makitang si Aki ang kumuha ng kamay ko. Agad siyang nagtanggal ng piring at itinaas ang kamay, senyales na may nakuha na siyang kapareha.

Natapos ang game na iyon at nakita kong simangot na simangot si Solange kaya naman dumistansya ako kay Aki. Baka pag initan pa ako nito. Sa kasunod na laro ay boluntaryo na akong umayaw dahil ayokong magkaroon ng gulo. Si Solange naman ay nawala, mukhang bumalik sa VIP Room.

Bago magsimula ang pangalwang laro ay nag anunsyo ang host ng isa song number para naman daw magkaroon ng pagkakataon ang mga pairs na makilala ang isat-isa.

“Balik na ako sa trabaho,” sambit ko at di na hinintay pang magsalita si Aki at umalis.

“Ms. Kalea? Paging! Paging! I’m looking for you girl, come here this instant!” nabaling naman ang paningin ko sa stage kung nasan ang host katabi si Winnie na panay ang kampay sa akin na lumapit.

Kinausap nila ako sa gilid ng stage. “Kanta ka naman kahit isa lang, sabi nitong friend mo kumakanta ka raw eh.” Tinignan ko naman ng masama si Winnie, nag peace lamang ito.

“Sige na girl, ngayon lang naman. Promise! Ngayon lang hehe,” pag kumbinsi ni Winnie sakin.

“Matagal na kong di kumakanta, baka wala sa kondisyon ang boses ko ngayon. Pasensya na,” patuloy na pagtanggi ko. Totoo namang napakatagal na simula ng huling humawak ako ng mikropono at kumanta sa harap ng mga tao.

“Sige na, please? Isa lang naman, tsaka nakaawa yung singers natin ilang oras na sila tumutugtog dito oh.”  Nabaling naman ang pansin ko sa dalawang singer na kasalukuyang nagpapahinga kasama ang mga ka banda nila.

“Isa lang ha? Hindi ko mapapangako na maayos pa ang boses ko,” sambit ko saka kinondisyon ng kaunti ang boses ko.

Muling inanunsyo ng host ang isang song number saka ako tinawag. Bago umakyat ay muli kong sinuot ang maskara na suot-suot ko kanina para manlang mabawasan ang kaba ko.