Chapter 1: Gil Estevez

Bumagay ang isang tasang mainit na kapeng nasa harapan ni Gil sa malamig na gabi. Ang malaking veranda ng kanilang bahay ang kanyang regular na pahingahan. Napapaligiran ito ng mga halaman, at mula rito'y tanaw ang bilog na swimming pool kung saan umaaninag ang repleksyon ng buwan.

Kinuha niya ang tasa at dahan-dahang uminom. Ilang beses siyang lumagok bago niya muling inilapag sa mesa. Sumandal siya sa silya at pinikit ang mata. Manakanakang bumubuka ang kanyang labi na parang nagsasalita.

Kahit nakapahinga ang kanyang katawan, tila nagbibilang pa rin ng numero ang kanyang utak. Ngunit kahit anong tapang ng kape na kanyang nainom, dinaig pa din ito ng pagod at antok. Hanggang tuluyan makaidlip. Bakas sa kanyang maamong mukha ang matinding pagod sa halos sampung oras sa opisina.

Gil Estevez, 36 years old, dominant boss, workaholic, bachelor at President-CEO ng TheCompany, ang kilalang advertising company sa Southeast Asia. Ang TheCompany ay may revenue na 3.109 billion USD noong 2019 at kasalukuyang tumataas pa ngayon 2023. Sa loob lamang ng pitong taon na pamamahala ni Gil. Nagkaroon ng kompanyang TheCompany sa limang bansa sa Southeast Asia, 20 offices at may 2,050 na employees.

Marami ang nagsasabi na isang genius ang CEO ng TheCompany dahil sino ang mag-aakalang mapapalago ito ni Gil gayong wala siyang alam sa advertising business. Hinawakan niya ang company isang buwan bago ideklara ng dating management na bankrupt na ito. Ayon sa mga business expert imposibleng makaahon ang TheCompany dahil sa pagkalubog nito sa utang. Pero pinatunayan ni Gil na kaya niyang maging posible ang imposible. Kaya binansagan siyang The Wise Man in Asia ng Time magazine. Ilang beses rin siyang naging cover at laman ng mga business magazine at isa siya sa top searches ng lahat ng internet engines tungkol sa successful businessmen in Asia.

Ang TheCompany ay tinayo ng kanyang ama bago ito mag asawa. Nagsimula sa maliit na kapital na may dalawang empleyado. Malapit sa University Belt ang studio type office kung saan dating nangungupahan pa ang TheCompany, kaya naman ang mga parokyano ng kanyang ama ay halos estudyante. Dati ay pagkuha lamang ng mga picture at video editing ang ginagawa dito. Maganda ang serbisyo at de-kalidad ang kanilang gawa. Naging word of mouth ang pangalang TheCompany, pagdating sa video editing hanggang nakilala ito dahil sa husay. Nagbukas ang pinto ng advertising business ng may makilalang investor ang kanyang ama. Nag-invest ng malaki sa TheCompany at nagtuloy-tuloy ang negosyo hanggang lumago.

"Gil, bakit di ka pumasok sa loob?" Ang tanong na 'yon ang nagpabalikwas kay Gil mula sa pagkakasandal. "Malamig na dito."

"Ma!"

Umupo si Mrs. Loise Estevez sa harap na silya. Kahit nasa late 60's na ang edad ng ina ni Gil, litaw parin ang sophisticated look nito. Classy ang suot nitong floral sleeveless turtleneck dress. Galing sa buena familia ang ina ni Gil at kilala ang pamilya nito sa art gallery business.

"Hinahanap ka ng papa mo kanina. Akala namin dito ka maghahapunan."

"I'm sorry," matipid niyang sagot sa ina. Inabot niya muli ang tasa ng kape at hinigop kalaunan. "Nagdinner na ako sa labas."

"Pinagluto pa naman kita ng paborito mong pagkain."

"Sorry ma, babawi ako next time."

"Or umiiwas ka sa ama mo?" tanong nito.

Inubos ni Gil ang natitirang kape sa tasa at muling ibinaba sa mesa. Humalukipkip siya sa silyang kinauupuan. Kakaiba ang lamig ng oras na 'yon, nanunuot sa kanyang katawan.

"Ma, you're jumping into conclusion. I had a meeting with our new client. Alam ninyo kung paano ako magtrabaho. I need to know the client's requirements. Expectation is very important."

"Okay, alam ko 'yan pero napapansin ko lagi kang late umuwi at kapag umaga lagi kang nagmamadali. Are you hiding something? Wala naman sigurong problema sa company para magmadali ka."

"Everything is okay, ma."

"But look at you, daig mo pa typical employee."

Napabugtong-hininga si Gil at tumingin sa ina at ngumiti. Ang totoo, iniiwasan niya ang ama dahil panay ang giit nito sa blind date. Gusto ng kanyang ama na ipakilala siya sa anak ng kaibigan nitong congressman. Halos dalawang buwan na siyang kinukulit ng ama. Wala sa priority niya ang pagkakaroon ng seryosong relasyon. Kaya naman lagi siyang nagmamadaling umalis ng bahay para makaiwas.

"I don't hide anything from you, ma. I want to keep doing my job. May mga clients na kailangang makilala in person. You know my rule, always deliver more than expected."

"Ano ang papel ng mga advertising specialist? Ikaw ang Presidente ng TheCompany but you doing like a typical employee. Sayang ang pinapapasweldo mo sa kanila."

"Ma, this project isn't easy. I'm working to get this project ASAP. Kung ipapaubaya ko ito sa kanila, I don't think so if they closed the deal. This is an international project and it cost millions of dollars. You know Radiant Corp, right?" Alam niya na hindi kumbinsido ang ina sa kanyang paliwanag.

"Yes, the top company of beauty products in Asia."

"Dealing with this company is not a casual affair. Kaya hindi ko basta maipagkakatiwala."

"Well, congratulations! You deserved it. But it's time now to trust your employees." Tumingin ito ng diretso sa mata ng anak. "Look Gil, hindi na mangyayari ang nangyari noon. Those traumatic events will not happen again. Magtiwala ka sa mga tao mo. Go out and enjoy yourself. You're getting older honey, hindi ka na bumabata."

"I know ma," tila pagsuway ang boses ni Gil. Umiling siya at muling pinikit ang mata. Nagrewind ang kanyang utak sa nangyari sa kanyang pamilya.

Bago hinawakan ni Gil ang TheCompany, ipinagkatiwala ng kanyang ama ang company sa panganay niyang kapatid na si Nick. Bumaba sa posisyon ang ama at inihalili ang kanyang kapatid. Dahil aggressive at madaling magtiwala si Nick, naging kampante ito sa mga taong nakapaligid sa kanya. Sa sobrang pagtitiwala sa mga taong inilagay sa posisyon, hindi nito namalayan na may masamang balak ang mga ito. Na naging dahilan nang unti-unting pagbasak ng kanilang negosyo. Sa huli sumadsad ang kanilang negosyo at nabaon sa utang.

Nadepressed ang kanyang ama ng malamang malala ang lagay ng kanilang negosyo. Naging madalas ang pagtatalo ng kanyang ama at kapatid. Isang araw ng umuwi si Gil galing ospital, nagkakagulo sa kanilang bahay dahil inatake sa puso ang kanyang ama. Na bed ridden ito sa loob ng walong buwan. Ang kanyang kapatid naman ay pumunta ng Paris. Hindi matiis ni Gil ang nangyaring pagkabigo ng kanyang kapatid. Dahil sa pakiusap ng kanyang ina na saluhin ang kompanya, wala siyang nagawa kundi ang sundin ito. Kaya kahit wala siyang interest sa negosyo ng pamilya, at labag sa kalooban na iwan ang propesyon bilang surgeon, hinawakan niya ang TheCompany na nasa malalang kondisyon. Sa tulong ng mga koneksyon at talino naisalba niya ang TheCompany sa loob lamang ng dalawang taon, at napataas pa nito ang company revenue at nakilala sa Southeast Asia.

"Ma, pumasok na tayo sa loob. Huwag na kayong mag-isip ng kung ano." Tumayo siya at umikot sa likod ng kinauupuan ng ina. Hinawakan ang dalawang balikat. "No need to worry. I can manage."

Walang nagawa si Mrs. Loise kundi tapikin ang kamay ng anak.

Kinabukasan ng hapon.

Office of the President-CEO.

Pagpasok ni Gil sa kanyang office sandali siyang napatigil at pinagmasdan ang kanyang office table. Mula ng maging President-CEO walang nakakalapit sa kanyang mesa kahit ang kanyang secretary ay off-limit. Lahat ng dadaling dokumento sa kanyang office ay dapat ilagay sa nakalaang mesa. Ginawa niya ito upang maiwasang magalaw ang kanyang mesa. Alam niya na may pumasok sa kanyang opisina. Natatandaan niya bago siya lumabas kanina para sa meeting ng mga head department, pinagsunud-sunod niya ang mga folder base sa company's priority. Ang mga folder sa ibabaw ng kanyang mesa ay nawala sa arrangement. May maliit din na awang sa drawer. Hinila niya ang executive chair. Umupo pasandal at pinagkrus ang braso. Ngumiti siya ng makahulugan. "Hindi ninyo makikita ang hinahanap ninyo," makahulugang sabi niya habang tinitigan ang family picture.