Chapter 5: Ellie's Client

Wala si Bonne ng makabalik si Ellie sa office, kaya hinanap niya ito sa ibang cubicle ng makasalubong ang kanilang sales coordinator na si Mona.

"Hi Ms. Ellie! May good news ako sayo at may bad news!" bati nito sa kanya habang patuloy sa paglakad. "Sama ka sa akin."

Wala sa loob na sumunod si Ellie hanggang makarating sa working table ng sales coordinator.

"Kung bad news, alam ko na." Humila si Ellie ng silya at pabagsak na umupo. "Suspended ako ng two weeks. Ang saklap, Ms. Mona wala akong manning.

"So nakita mo na pala ang memo s'yo," sagot ni Mona habang nagtype sa keyboard ng computer ng sample computation.

Tumango si Ellie at tila nagmamakaawa ang mukha.

"Next time sumunod ka sa policy ng mall."

"Bulok siguro 'yung kotse kaya nasira ang wiper. Dapat dinadala na sa junk shop ang mga ganoon sasakyan. Sobrang gaan lang naman nito." Dinampot niya ang leaflets na nasa ibabaw ng mesa at winasiwas sa hangin.

"Huwag mo ng gagawin 'yon." Mahinang tapik sa braso niiya. "Policy is policy. Kapag nahuli ka uli, one month ka ng walang manning."

"Really, isang buwan talaga?"

"Yes." Tuloy lang ito sa pagtype habang nagsasalita.

"Lupit naman."

"Ang good news alam mo na?"

"Ano ba ang good news?

"May lumabas kang commission at may..."

Hindi pa natatapos ang magsalita si Mona ng biglang napatayo si Ellie. Naalala niya ang totoong pakay. "Nasaan pala si sir Bonne, Ms. Mona? Hay, kapag di ko siya nakita, hindi ako makakauwi." Lumapit siya katabing cubicle at patingkayad na sumilip.

"Si sir Bonne naroon sa client's room kausap ang client mo."

"Client ko?" Biglang napaupo uli si Ellie. Dumukwang sa table ni Mona. Halos magkadikit ang kanilang mukha. "Sinong client ko? Sino? Sino?"

"Ano ka ba Ms. Ellie, baka magkapalit na tayo ng mukha." Itinulak ni Mona ang ulo ni Ellie gamit ang dalawang daliri." May bunga rin pala ang mga diskarte mo. Nakuha ng client ang leaflets mo."

"Talaga! My precious stone!" Kumislap ang kanyang mata. Pumalakpak ng mahina.

"Hay, hindi mo pa sure kung positive client 'yan. Nagbibilang ka na agad ng pera."

"Ang nega mo talaga kahit kailan. Malay mo mapaqualify ko siya. Magreserve! Isipin mo nagpunta pa rito sa office, ibig sabihin interesado."

"Harinawa."

"Kapag napareserve ko ito, ililibre kita ng paborito mong iced macchiato with extra milk sa loob ng one week."

"Sure yan?"

Tumango si Ellie. Sigurado sa sagot.

"Dahil diyan ikaw na ang magdala ng sample computation na ginagawa ko. Para ma meet mo ang client. Siguraduhin mo na mapapareserve mo 'yan."

"Yes! Sabi nga sa kdrama, fighting!"

Umupo si Ellie katapat ang lalaki. Ito ang kanyang precious stone. Sa pananamit pa lang ng kanyang kaharap, level-up na agad. Lutang ang kaputian nito sa suot nitong black Dolce and Gabbana suit, fit sa malapad nitong balikat. Dagdag pa ang suot nitong Patek Philippe na wrist watch, wow na wow si Ellie. Magaling siyang kumilatis pagdating sa kasuotan. Sa dami niyang nakasamuhang tao araw-araw, alam niya na ang pinagkaiba ng branded at fake.

"Sir, siya si Ms. Ellie. Sa kanya ang leaflets na dala mo."

Tumango ang lalaki.

Kumuha si Ellie ng calling card sa bag at binigay sa kaharap. Agad namang inabot ito. Tinignan saglit at ibinaba sa mesa.

"Kailan mo gusto mag-unit tour, sir?" walang pasakalyeng tanong ni Ellie. Hindi man lang niya pinakilala ng maayos ang kanyang sarili. Kailangan niya ng sales sa month na ito kaya hindi na siya magpapaliguy-ligoy. "Available ako today para i-tour ka, sir."

"Okay," matipid na sagot ng kliyente.

"Ngayon na sir?" sabat ni Bonne.

"Kung available siya, why not." Tumingin ito kay Ellie.

"Yes available ako. Tara na sir."

"Ms. Ellie, kailangan mong magbook ang tripping vehicle, one day before the tripping," sabi ni Bonne.

"A, oo nga pala. Nalimutan ko," napakamot ng sintindo si Ellie. "Medyo excited lang. Pasenya na sir bukas na lang."

"I have a car," sabat ng lalaki. "Mas okay sa akin mag site tour ngayon kaysa sa ibang araw," paliwanag nito sa kanila. "I'm a busy person so it might be difficult for you to contact me again."

"Yun naman pala sir Bonne, may sarili naman palang sasakyan si sir. E, di go na kami. Ako na ang bahalang mag site tour sa kanya," paggigiit ni Ellie. Kailangan niyang mapasite tour at mapareserve ang kliyente para magkaroon ng sales. Hindi siya pwedeng magsayang ng oras.

Sumang-ayon si Bonne.

Sa loob ng kotse.

"Branded ang suit. Mamahalin ang relo. May sariling car, may sariling driver. Ibig sabihin mapera ito," bulong ni Ellie sa sarili. "Ayos na magkakasales na ako. Claim it Ellie! Claim it!"

Ipinakita ni Ellie ang fully furnished unit sa kanyang client. Ipinakita niya ang bawat sulok at ibinigay ang detalye. Mula sa sukat ng studio type hanggang 3 bedroooms. Ipinakita niya rin ang dressed up unit para magkaroon ng idea ang kanyang kliyente, kung paano malalagyan ng mga gamit.

Halos mapaos na si Ellie sa kapapaliwanag. Wala itong mga tanong. Pabor ito kay Ellie. Less question, less mistake. Halos okay lang ang sagot nito.

Hinawakan lang nito ang mga dingding at kinatok-katok. Binuksan ang pinto ng mga cabinet na tila nag iinspect. Hinawi ang kurtina at lumabas sa balcony. Naghahalo ang hampas ng lamig at init ng hangin. Sumilay sa kanila ang unti-unting paglubog ng araw at ang munting kutiptap ng ilaw mula sa mga katabing building.

"The higher the floor, the more expensive but the view is the key to set the value." Saglit tumingin ang kliyente kay Ellie.

"Tama ka sir."

Tumango lang ang kliyente sa kanya at muling bumalik sa model unit. Sumunod si Ellie.

"Alam mo sir ang condo namin hindi pahuhuli sa amenities. Like fitness center, game room, swimming pool, sky lounge, sky garden, function hall and private theater."

"Okay."

"Then, malapit din sa mga mall kung gusto mong mag shop galore. Nearby din lang ang mga exlusive school. At public school meron din. Sobrang lapit nito sa church kung church goer ka. Good pick na talaga ang condo namin, sir."

"Okay."

"Kung may emergency cases kayo sa bahay ninyo sir, 10 minutes drive lang sa pinakamalapit na hospital. Sa dami ng mga condominium na pagpipilian ninyo ang pinaka the best, ang condo namin," pagmamalaking sabi niya.

"Okay."

"At kung pagod kayo at kailangan ninyo ng swabeng music at kaunting alcohol sa fifth floor may bar station tayo, sir."

"Okay."

"Kung okay naman sa inyo ang lahat. Ang wala naman kayong mga tanong pwede na kayong mag sign up ng reservation today."

"No."

Bumagsak ang mundo ni Ellie ng marikinig ito. Nakaramdam siya ng rejection. Sa dami ng sinabi niya hindi niya ito nakumbinsi. Ang akala niyang precious stone hindi pala.

"O-kay sir," nanlumo siya. Biglang nawala ang excitement sa kanyang katawan." Dito tayo sir sa may table." Yaya niya. "Paki fill-up ng client information ninyo." Inilipag niya sa mesa ang papel at kasama ng ballpen.

Kinuha naman ng kanyang kliyente ang ballpen. "One million ba ang halaga ng ballpen na ito?"

"Ha?"

"Itong ballpen mo, magkano ang halaga nito? One million ba?"

"Joke ba 'yan, sir? Wala naman one million para sa pangkaraniwang ballpen."

"Ganoon ba, akala ko may espesyal dito sa ballpen mo," dagdag sabi nito habang nagsusulat.

"Wala naman."

"Anyway, I will keep in touch. Pag-aralan ko muna ang mga details. Nasa akin naman ang calling card mo."

Ito ang salitang ayaw marinig ni Ellie pagkatapos ng site tour dahil alam niyang hindi ito totoo. Marami na siyang naging client na ganito ang sinabi pero hindi ito nangyayari. At kung siya ang tatawag madalas deadma ang kanyang calls. Sa pangalawang pagkakataon nareject siya.

"Hindi pwedeng ganon," halos pabulong na sabi niya sa sarili. "Sabihin mong tawagan mo ako."

"May sinasabi ka?"

"Ah wala sir, imagination nyo lang 'yon," ngumiti siya ng peke.

Tumayo na ang kanyang client at humakbang palabas. Kinuha ni Ellie ang client's form at ballpen, at dali-daling inilagay sa bag. Hindi siya papayag na doon lang matatapos ang kanyang site tour. Kailangan niyang maka first base para mapareserve ito.

Sa labas ng lobby, nakita niyang naghihintay ang driver at ang sasakyan nito. Sinabayan niya ito papunta sa kotse. Tumatakbo ang kanyang utak. Naisip niya na kapag nasa loob na sila ng sasakyan magstory telling siya para makumbinsi.

"Hindi na kita maisasabay, out of the way ang route ko sa office mo," biglang sabi nito habang binubuksan ang pinto sa passenger seat.

Rejected uli si Ellie. "Ah, walang problema hindi talaga ako sasabay, may imeet pa akong client," kunwaring sabi niya. "Oo meron pa akong isang site tour." Ang kanyang plano ay nabalewala. Pero kahit ganoon, umaasa siyang ihahatid siya pabalik sa office pero hindi pala. Tatlong beses siyang nareject. Nang makaalis na ang kliyente saka lang ito nagreklamo.

"Grabe hindi man lang niya ako pinasabay! Ang sama niya! Naisip ba niya na baka wala akong pamasahe! Haist kainis!" Kinuha niya sa bag ang client information. "Gil Estevez pala ang pangalan mo! Lintek ka!"