Chapter 4: One Million Ballpen

Matapos pirmahan ni Gil ang mga dokumento iniwan niya ito sa kanyang secretary, saka siya tumungo sa meeting kung saan naghihintay sina Ms. Cynthia at Rex sa meeting room ng TheCompany.

"Kailangan bang i-hire ang mga talent as full time," tanong ni Gil. Habang binabasa ang report. Hindi siya sang-ayon sa pagkuha ng bagong talent para sa ilalabas na ads. Nagkaroon ng collaboration ng creative at media planning department. Lumabas sa collaboration na video vlog ang magiging concept ng ads. "What about our regular talents?" Hindi ba magkakaroon ito ng conflict sa regulat talent natin?"

"No sir. The job description is only part-timer," sagot ni Rex ang head ng media planning department "We're looking new faces on these ads but project based work. Sila ang magiging residence vlogger-model natin."

"Regarding sa in-house talent natin. There are not suitable for this kind of concept ads," sabat ni Ms. Cynthia. Si Ms. Cynthia, head ng creative team. Ang pinaka agresibong department. Hawak niya ang creative directors, editors, copywriters, graphics and web designers at artist. Halos lahat ng staff dito ay expert. Sa kanilang department nagmumula ang concept at ideas ng ads."Let's look for a new face, President."

Tumango si Gil. "Okay. Lets make it. Kung 'yan ang makakabuti sa ads." Kahit may kaunting pagdududa sinang-ayunan niya na ito. "So, when it will manefesting?"

"Sir, as soon as possible," sagot ni Rex. "The Limson Company has approved that talent comes from us, so they won't have a hard time finding talent other than their main endorser."

"Then, who is in-charge of scouting of new talents? What about the jury?"

"Sir, kinausap ko na heads ng admin sila na ang bahala dito. Ang sales account department ay kasama sa panel of judges including Ms. Cynthia and I," tugon ni Rex.

"Okay, if everything is fine schedule the audition. Make sure you get TheCompany's brain and skills. Hanggang dito muna tayo may schedule meeting pa ako sa labas." Tumayo siya at inayos ang suot na coat. "Please update me if there are any changes,"pahabol na sabi.

"Noted sir," sabi ni Ms. Cynthia.

Samantala.

"Suspended ako?" sabi ni Ellie. "Sa anong dahilan sir?" Napamewang siya sa harapan ng kanilang boss na si Bonne.

Nagcross arm naman si Bonne sa silyang kinauupuan. "Ms. Ellie, sabihin mo sa akin kung bakit sa mga kotse sa parking lot ka naglalagay ng leaflets?"

Napatanga si Ellie, bakit nalamang ng boss ang ginawa niya? "Nagsumbong kaya ang guard," bulong niya sa sarili.

"Sir kailan 'yon?" Pagkakaila niya. "Wala akong natatandaan na nagbigay ako ng leaflets doon." Tinaas niya ang dalawang kamay at umiling-iling.

"Ano ka ba Eleanor, kailan ka ba magma-matured?"

"Sir naman, Ms. Ellie lang! Saka mature lang walang D sa dulo." Pagtutuwid niya saka umupo sa silya.

"May D o wala pareho na rin yon, Ms. Eleanor!"

"Mali kaya," bulong niya. "Saka Ellie lang. Huwag ninyong ilakas ang boses ninyo ang daming nakakarinig." Ngumuso siya sa mga nakausling ulo sa cubicle nila.

"Ms. Ellie kung Ms. Ellie! May nakitang leaflets sa parking ng mall at nakapangalan sa'yo!"

"Sir bitbit nila ang leaflets kaya malamang nadala nila sa parking lot," depensa niya. "S'yempre namigay ako ng leaflets halos lahat ng tao binigyan ko. Nangawit na nga ang paa ko kakatayo tapos may mga tao na magtatanong sa akin pero hindi naman pala mag-iinquire. Sasabihin, hoy miss saan ang cr? Tama ba 'yon? Naka corporate dress ako sir, tanungan ba ako ng nawawalang banyo! Hindi lang isa o dalawa ang nagtatanong ang dami nila! Kulang na lang maglagay ako ng information desk sa harapan ng booth natin."

Tumayo si Bonne at hinila ang nakausling bangs niya. "Ayos din ang paliwanag mo ha!"

"Aws, ang sakit ah!" Kinamot niya ang noo. "Kaya nga sir, bakit ako masususpended? Ginawa ko lang ang trabaho ko. May magtatanong pa nasaan ang Chowking? Saan ang Watson? Saan ang ganito, ganyan? Mag apply na lang kaya akong security guard ng mall." Pamaktol niyang sagot habang kumukumpas sa hangin ang kamay.

"Ms. Eleanor!"

"Sir, Ms. Ellie po. Ms. Ellie!"

"Paano mo ipapaliwang ang pagkasira ng wiper noong isang kotse sa parking ng mall? May suksok na leaflets mo!"

Umarko ang isang kilay ni Ellie. "Malamang luma na ang sasakyan o kaya bulok na. O kaya kulang sa turnilyo. Kung brand new ang sasakyan hindi 'yon basta masisira. Ang gaang lang naman ng papel," halos pabulong niyang sagot.

"Sa bibig mo mismo narin nanggaling ang sagot."

"Sir, ako lang ba ang namimigay ng leaflets? Malay ninyo may baliw nakakuha ng leaflets ko tapos nilagay doon. Consideration naman sir."

"Basta pirmahan mo na ito." Inabot sa kanya ang papel. "Two weeks kang suspended. Wala kang manning! Mabuti na lang hindi tayo pinagmulta."

"Bakit two weeks? Hindi naman krimen ang ginawa ko." Halos maiyak na siya. Wala na nga siyang sales suspended pa. Ano ang kakainin niya? Sa ibinibigay na allowance ng boss na lang siya umaasa. "Sir..."

"Pirmahan mo na 'yan."

"Sir naman eh!" Pagmamakaawa niya kay Bonne, habang kinukuha ang ballpen sa bag. "Hindi ba kayo naawa sa akin. Wala pa nga akong sales this month masususpended pa."

"Kasalanan mo 'yan," sagot nito sa kanya saka hinarap ang computer sa table. "Pirmahan mo na 'yan ng matapos na. Sumasakit ang ulo ko sa'yo, Ms. Ellie. Pagkatapos mo d'yan pumunta ka sa treasury lumabas na ang commission mo."

"Talaga!" Biglang nabuhayan si Ellie. Ang kaninang pagmamakaaawa ay napalitan ng sigla. Namilog ang mata sa tuwa. "Yes! Yes! Ayos lang na masuspended basta may commission, pwede naman mag online selling." Pinaikot-ikot ang ballpen sa kamay.

"Loka ka talaga! Narinig mo lang na may commission tuwang-tuwa ka na."

Inayos ni Ellie ang damit. "S'yempre sir ang tagal kong hinintay ang commission na 'yan. Kulang na lang pigain ko ang pitaka ko. Lupaypay na!" Sabay pakita ng pitaka. "Kita ninyo payat na payat na! Sa wakas magkakalaman ka narin pinakamamahal kong pitaka!"

Tumayo siya at aktong aalis.

"Ms. Ellie!"

"Sir?"

"Baka nalilimutan mo." Tinapik ang mesa kung saan naroon ang suspension letter. "Pirmahan mo na ito dali! Bilisan mo na. I meet ko pa ang client sa lobby."

Napangiti siya, no choice kailangan niyang pirmahan ang suspension memo. Pero ayos lang basta may pera.

Sa treasury office. Pagkatapos pirmahan ang duplicate receiving copy nakuha ni Ellie ang tseke. Tuwang-tuwang ng makita ang figure P37,790.25. May pambayad na siya sa renta ng bahay. Two months na siyang delay sa payment. Buti hindi siya sinisingil ng bungangera nilang landlord. Mabibigay na rin niya ang perang hinihingi ng kapatid.

Hanggang tenga ang ngiti ni Ellie habang bumaba ng hagdan. Hindi na siya gumamit ng elevator, mas mabilis siyang makakarating sa first floor kung saan naroon ang banko na pagpapalitan ng tseke. Nasa second floor lang naman siya. Sa pagmamadali nalaglag pa ang ballpen na sinuksok niya sa bulsa ng kanyang polo-blouse matapos niyang pirmahan ang suspension letter. Gumulong sa hagdan hanggang sa paanan ng kasalubong niyang lalaki. Aktong dadamputin ito.

"Hep, hep, hep! Akin yan!" pasigaw na sabi niya. Na freeze naman ang lalaki sa pagkakatayo. "One million ballpen ko 'yan at walang ibang pwedeng humawak. Ako na! Ako na!" Halos liparin ni Ellie ang natitira pang steps ng hagdanan, makuha lamang ang ballpen sa sahig at agad ding umalis ng hindi pinansin ang lalaki.

Napailing na lang ang lalaki sa kinilos ni Ellie. "One million ballpen, meron bang ganon? Ano ba ang mayroon sa ballpen na 'yon? Tingin ko panda ballpen lang naman 'yon," pabulong na sabi nito at umakyat ng hagdan.

Nagmadali si Ellie dahil closing time na ng banko. Kapag hindi siya nakakuha ng pera wala siyang maibibigay kay Ellery. Kahit na maingay ang bibig niya sa kapatid hindi naman siya makaka hindi. Gustong niyang makatapos ng abogasya ang kapatid. Kaya gagawin niya ang lahat para dito. Pagdating niya sa harap ng banko, natulala siya bigla. Sa kanyang harapaan nakapaskil sa pinto ng banko ang malaking sign board na, CLOSED!

"Lintik! Anong araw ba ngayon? Teka Sabado ba ngayon. Oo nga Sabado. Sir Bonne! Wala akong pamasahe."