Chapter 12: Initial Challenges

"Bilisan mo ang paglalakad Ellery, late na ako," tinig ni Ellie mula sa cellphone na hawak ni Ellery. "Hihintayin kita dito sa lobby."

"Ala-una pala ang call time mo, ate tapos kung anu-ano ang kinakalikot mo sa bahay. Ako pa ang pinagmamadali mo. Alam mo naman may case study kaming pupuntahan. Malelate ako sa ginagawa mo, ate."

Tinatahak ni Ellery ang daan papuntang TheCompany, bitbit sa kanang kamay ang damit ni Ellie na nakalagay sa garment suit bag. Lakad-takbo na ang ginagawa nito para hindi rin mahuli sa kanyang appointment. Bumabagsak ang sukbit niyang leather porfolio bag sa balikat.

May nadaanan si Ellery na opening ng cafe store. Nagpaputok ng confetti poppers, sakto sa kanyang pagdaan. Maraming confetti ang nalaglag sa kanya na dumikit pa sa kanyang buhok at damit.

"Basta bilisan mo na, dami ka pang sinasabi." Pinatay ni Ellie ang phone para hindi na marinig ang reklamo ng kapatid.

Nawala sa isip ni Ellie na ala-una ng hapon ang call time ng shoot. Naglilinis si