Kabanata 14

Hinanap ni Monique ang ina ni Ynnah na si Claudia pagkatapos niya sa isang interview. Doon nalaman niya ang tungkol sa plano ng ina at kapatid na ipapakasal ito sa isang mayaman ngunit matandang lalaki si Ynnah kapalit ng tatlong daang milyon.

Nang mapansin niyang matagal bago sumagot si Adrien, binago niya ang kwento.

“Andrei, may nalaman akong balita mula sa ina ni Ynnah. Ang magaling mong asawa ay nagpresyo sa sarili niya ng tatlong daang milyon kapalit ng kasal. Grabe, hindi talaga ako makapaniwala sa ginawa niya... Ipinaalam ko na rin na maghanap siya ng mapapakasalan at 'wag kang abalahin dahil hindi pa tapos ang pamamahinga mo.”

Walang kaalam-alam si Ynnah sa ginagawa ng kanyang ina at kapatid. Itinuloy ng mga ito ang pagpapakasal sa kanya na hindi man lang siya tinatanong.

Wala silang pakialam sa kanya at sa nararamdaman niya.

Mahigpit naman siyang pinaalalahanan ng ina tungkol sa kamatayan. Pinaalala sa kanya na hindi siya dapat mawala, ngayon pa ba sa kabila ng mga karanasan niya simula noong bata pa siya.

Ang kapatid niya naman ang nag-ayos at nag-alok sa kanya kay Mr. Santiago upang pakasalan siya. Hiningi ng kapatid ang tatlong daang milyon kapalit ng pagpapakasal niya.

Isang text message ang biglang pumukaw kay Ynnah sa mga oras na ito.

Claudia:

Magpapakasal ka kay Mr. Santiago sa kinse ngayong buwan din. Siya ang pumili ng araw kaya may apat ka na lang na araw para maghanda. Make sure you will have that man's heart, understand?

Binasa niya ang text message ng kanyang ina at tinitigan lamang ito at nakaramdam ng lungkot.

Sa araw ng kinse ay may isang pagtitipon at selebrasyon na magaganap. Ito rin ang araw na itinakda nila upang tapusin ang kanilang relasyon. Ang araw din na 'yon ay kailangan niyang magpakasal kay Mr. Santiago. Higit sa lahat, 'yan din ang araw na binabalak niyang umalis.

Sa isang notebook, isinulat niya lahat ng mga mangyayari sa petsa kinse para hindi niya makalimutan. Isinunod niya naman ang paggawa ng isang suicidal note. Naguluhan siya kung ano ang isusulat kaya napahigpit ang hawak niya sa ballpen.

Isang mensahe ang iniwan niya para sa kanyang Yaya Dolores at sa kababata niya ring si Gino. Inilagay niya ang papel sa ilalim ng unan pagkatapos niyang maisulat ito.

Tatlong araw ang nagdaan at ngayon ay petsa katorse na. Bumuhos ang malakas na ulan at ang kanyang telepono ay walang tigil sa pagtunog. Kinuha niya ito sa ibabaw ng coffee table saka binasa ang text messages ng ina.

Claudia:

You're getting married tomorrow. Be there, and marry Mr. Santiago.

Imbes sagutin ito, nagpalit si Ynnah ng damit. Suot ang bagong begonia-colored dress ay naglagay na rin siya ng kaonting make-up.

Tinitigan niya muna ang sarili sa salamin saka naalala ang dating pangangatawan noong bago pa siya ikasal kay Andrei. Maganda naman ang hubog ng katawan niya subalit maputla at mapayat na talaga siya.

Pagkatapos, agad siyang umalis at sumakay ng taxi para pumunta ng sementeryo. Gamit ang dalang payong ay sinuong niya ang malakas na ulan.

Matapos ang paglalakad, narating niya ang puntod ng ama at inilagay ang dala niyang puting bulaklak ng daisy sa ibabaw nito.

Ang malakas na hampas ng hangin at patak ng ulan mula sa dalang payong ang maririnig ni Ynnah.

“Dad... Wala sa plano na pupunta ako rito pero hindi ko alam kung saan ako pwedeng pumunta. Natatakot akong mag-isa kaya ako nandito. Sana hindi mo ako pagalitan na dito muna ako, ha?”

Naupo siya sa tabi ng ama saka binuksan ang telepono. Bumaha ng text messages ang kanyang cellphone at alam niya kung saan iyon galing.

Claudia:

Wala ka nang magagawa pa para makatakas, Ynnah! Na kay Yvo na ang pera mula kay Mr. Santiago at kontrolado na ng matanda ang lahat. Huwag mong subukan na tumakas dahil hindi mo na matatakasan pa ang kapalaran mo!

Agad niya namang nireplayan ang ina pagkatapos basahin ang sinabi nito.

Ynnah:

If you want me to be there, pick me up because I don't want to go back. In front of Dad's tomb, I will wait for you there.

Nang matanggap ni Claudia ang reply ng anak, hindi niya na ito kinulit pa dahil sigurado siyang tinanggap na nito ang kapalaran niya.

Buong araw na nanatili si Ynnah sa sementeryo habang yakap-yakap ang bigay ng ama na isang inukit na puppet. Nagsilbi itong kasama niya sa gabing madilim at patuloy na pag-agos ng ulan.

Pagsapit ng alas dose, itinaas ni Ynnah ang kaniyang paningin sa madilim na kalangitan, puno ng pait ang kanyang mukha.

Alas tres naman ng umagang iyon ay kinuha niya ang kanyang gamot sa loob ng bag habang nanginginig ang mga kamay. Blanko na lamang ang kanyang nararamdaman ngayon dahil sa lahat ng mga nangyari sa kanya.

Sa mansyon ng mga Alleje.

Kakauwi lang ni Andrei galing sa labas. Pagkaupo niya sa couch ay ipinikit niya ang mga mata saka nagsimulang hilutin ang kanyang noo.

Sinubukan niyang matulog subalit nagising naman siya bigla dahil sa isang masamang panaginip. Napanaginipan niya si Ynnah na namatay at pagkatapos no'n ay nahirapan na siyang makatulog ulit.

Kinuha niya ang telepono at napansin ang oras. Alas kwatro na pala ng umaga.

Biglang sumagi sa isipan niya na ngayong araw pala matatapos ang kanilang pamamahinga. Ang araw na ito ay an napagkasunduang tatapusin na nila ang relasyon.

Pinadalhan niya ng isang text message si Ynnah upang ipaalala sa kanya ang tungkol doon.

Andrei:

Remember, we have to get a divorce today.

Nakatanggap ng isang text message si Ynnah mula sa asawa subalit nang mga panahong iyan ay unti-unti na siyang nahihilo. Pinilit niyang sinagot ang text nito sa kabila ng kanyang nararamdaman ngayon.

Ynnah:

Sorry, pero hindi ako makakapunta. Huwag kang mag-alala dahil maghihiwalay rin naman tayo.

Kapag nawala siya ay mawawala ang bisa ng kanilang kasal. Wala ng obligasyon si Andrei sa kanya.

Isang voice message ang pinadala ni Ynnah at nang marinig ni Andrei 'yon mula kay Ynna ay nakahinga siya nang maluwag subalit sa isipan niya...

‘How could Ynnah die?’

Imposibleng mangyari ang kanyang napanaginipan sa isip ni Andrei.

Hindi makapaghintay si Ynnah na mawala pero ayaw naman niyang makipaghiwalay sa kanya kaya hindi makapaniwala si Andrei.

Para mas malinaw ang lahat, tinawagan ni Andrei si Ynnah. Nagulat naman si Ynnah dahil sa pagtawag ni Andrei. Hindi ito ang tipo na tumatawag sa kanya basta-basta lang at sa halos ilang taon, minsan lang ito kung tumawag.

Pagsagot niya pa lang ay hindi na siya hinayaan pa ni Andrei na makapagsalita.

“My patience is always limited. You're asking for a divorce, right?” tanong niya. “Nagsisisi ka ba dahil hindi kita binigyan ng pera? At sa tingin ko kung makakahanap ka ng pakakasalan, hindi sasapat ang 300 million, right?”

Pakiramdam ni Ynnah ay mawawalan na siya nang hininga dahil sa kanyang nalaman. Pakiramdam niya ay unti-unti na rin siyang nawawalan ng pandinig dahil sa sinabi ni Andrei.

Sa kabila no'n ay naghanap ng lakas si Ynnah upang makapagsalita at masabi niya kay Andrei ang side niya.

“I marry you not because of your money and I want a divorce but not also because of money, Andrei!” hiyaw niya. “Believe me or not, noong hindi tinupad ng ina ko at kapatid ang pinangako nila ay wala akong alam. S-Subalit hindi ko pa rin gagawin 'yon dahil lang sa 300 million. I will not marry anyone!”

Huminto muna siya sa pagsasalita.

Narinig naman ni Andrei sa kabilang linya ang malakas na hampas ng hangin at ulan kaya nagtaka siya.

“Nasaan ka ngayon?”

Tila ba ay walang naririnig si Ynnah na ngayo'y nakayakap lang sa telepono habang nagpapatuloy sa pagsasalita.

“K-Kung nalaman ko ang ginawa ng mama at kapatid ko siguro hindi kita pinakasalan. Kung alam ko lang na gusto mo pa rin si Monique, hindi na sana ako nagpakasal sa 'yo at kung alam ko lang na maaaksidente ang ama ko sa araw ng kasal, hindi... H-Hindi na sana kita pinakasalan.”

Ramdam ni Andrei ang pagsisisi sa boses ni Ynnah habang sinasabi ang kanyang pagsisisi na pinakasalan siya nito.

May kung ano namang nakabara sa lalamunan niya kaya hindi siya kaagad nakapagsalita.

“At sinong sinisisi mo? Hindi ba't umiyak ka para pakasalan ako?”

Malalim at medyo paos ang boses ni Andrei pero ang boses naman ni Ynnah sa kabilang linya ay paliit nang paliit.

Hindi niya maintindihan ang sinasabi nito kaya kinutuban siya. “Where are you now, Ynnah!?”

Hindi kaagad ito sumagot ngunit maya-maya ay narinig niyang nagsalita ito ulit.

“You know what... I still wish you a happiness.”

Iyon ang huling narinig ni Andrei mula sa kanyang asawa bago may mangyari.