Kabanata 17

Gamit ang paa ni Gino, sinipa niya nang pagkalakas si Yvo at halos lumipad ito palayo. Sinubukan ng lalaki na kunin si Ynnah sa kanya kaya kailangan niya itong protektahan.

Dahil sa malakas na pagkasipa ni Gino, tumilapon si Yvo palayo. Napaigik pa ito sa sakit ng katawan habang napapahawak sa kanyang dibdib. Hindi siya nakapagsalita at nang makita ni Claudia ang nangyari, nilapitan niya si Yvo upang tulungang makatayo.

Tinignan ni Claudia si Gino nang may halong pagbabanta. “Did you just kick my son!?”

Marahas na nagbuntong hininga si Gino saka niyakap nang mahigpit si Ynnah at ang mga mata niya'y nababalot ng yelo. Hindi niya alintana ang ulan na ngayon ay tumutulo sa dulo ng kaniyang buhok patungo sa kanyang mukha.

Walang bakas ng kahit anong takot sa mukha ni Gino nang maglakad siya patungo sa ina at kapatid ni Ynnah.

Sa harap nila, isang nakakapangilabot na tanong ang lumabas sa mga labi niya. “Siguro gusto niyong mamatay?”

Natahimik sina Claudia at Yvo dahil sa takot sa lalaking