Kabanata 19

Sa labas ng bintana, sa kwartong kinalalagyan ni Ynnah ay nakahiga pa rin siya sa kama para magpahinga.

Malakas ang ihip ng hangin at halos natatanaw niya ito mula sa kanyang hinihigaan. Ang mga kamay niya ay nasa ibabaw ng kanyang tiyan at mulat ang kanyang mga mata.

Bumalik si Gino sa loob upang sabihin kay Ynnah ang sinabi ng doctor. Buntis siya at ayaw pa rin mag-sink in sa utak niya ang nalaman. Hindi ito ang tamang oras para kay Ynnah na lumabas ang bata at hindi niya alam ang gagawin.

Nakatingin lamang si Yaya Dolores kay Ynnah na walang kabuhay-buhay ang mga mata at para bang nawawalan na ito ng pag-asa.

“Ynnah,” tawag niya.

Lumingon naman si Ynnah sa direksyon ni Yaya Dolores saka nagsalita. “Yaya Dolores...”

Namula ang mga mata ni Yaya Dolores nang hawiin nito ang ilang hibla ng buhok niya sa kanyang pisngi.

“Mag-isa lang ako sa buhay at wala akong mga anak. Nang makilala kita, itinuring na rin kita na para kong tunay na anak,” ani Yaya Dolores at nagpatuloy. “Hindi ko hinang