Kabanata 26

Hindi na maalala ni Monique ang eksaktong detalye na kanyang sinabi kay Benjamin pero nang mapansin niyang may kakaiba rito lalo na no'ng tinitigan nito ang kanyang braso kanina. Walang ibang nagawa si Monique kung hindi ang maki-ayon na lamang sa mga sinasabi ni Benjamin.

“Oo naman, naaalala ko pa naman 'yon,” sagot niya na parang naaalala niya ito. “Puno ka ng dugo noon kaya sobra akong nag-alala. Sariwa pa rin sa akin kung paano ko sinira ang pinto ng sasakyan para lang mahila kita bago pa ito sumabog. Nagkagalos pa ang kamay ko no'n.”

Pinagpatuloy niya ang kanyang sinabi at dinagdagan niya pa ang kwento. Kinailangan niyang gawin ito para mas lalong kapani-paniwala siya sa tingin ni Benjamin. Hindi niya hahayaang magduda ito sa kanya ng kahit kaonti.

“'Yong sugat ko sa kamay ay sobrang malala pero pagkatapos ng operasyon, nawala naman ito.”

Alam na alam ni Monique ang lahat ng mga detalye tungkol sa nangyari noong panahon na 'yon kasi nandoon siya. Tinanong pa niya si Ynnah tungkol