Kabanata 34

“Mommy, kailan ka po babalik dito?” dugtong na tanong ni Casper kay Ynnah.

Mapait na napangiti si Ynnah. “Hindi ko pa alam, baby eh. Pero susubukan kong makabalik agad. Miss na miss ko na kayo agad ni Caleb eh,” nangungulila niyang sambit.

“Miss na miss na rin po namin kita, mmy.”

Ramdam na ramdam ni Ynnah ang lungkot. Unang beses niyang malalayo sa kambal nang matagal-tagal. Kung hindi lang sana importante, hindi siya aalis sa tabi ng mga ito.

“Ngayong wala ka rito, huwag mong kakalimutang uminom muna ng warm milk bago matulog, okay?”

Bumalik sa ulirat si Ynnah nang marinig ang bilin ni Casper.

“And don’t forget to take your vitamins. At lagi kang magkukumot kapag matutulog so you won’t catch a cold.”

“At saka ‘yong favorite naming puppets ni Caleb, nilagay ko sa ro’n sa red na maleta mo. Kapag hindi ka makatulog, itabi mo sila sa ‘yo,” dagdag na bilin ni Casper.

Hindi talaga nagsasalita si Casper kapag hindi niya gusto. Pero kapag nagsalita naman ito, tatalak ito nang wa