Kabanata 67

Isa lang ang sigurado si Casper tungkol sa nangyari. Mabilis lamang para sa mga mayayaman ang lahat gamit ang pera.

“I will let you go as of now,” aniya sa mahinang tono. Kinusot muna ni Casper ang kanyang inaantok na mga mata at saka binuksan ang pinto ng kwarto para lumabas.

“Good morning, Mommy and Tita Cassandra!” bati ni Casper sa dalawa nang makita niya ang mga ito.

“Good morning to you as well, Little One,” sagot naman ni Cassandra kay Casper.

Nasa kusina naman si Ynnah at naghahanda na ng kanilang umagahan.

“Kailangan mo na maligo agad para makakain na, Casper,” sabi ng mommy niya sa kanya at saka nagpatuloy, “Oo nga pala, Casper, tinulungan tayo ng tita Cassandra mo na makahanap ng kindergarten school at kailangan na natin mag-register ngayong araw.”

Ngayong buwan na ito ay bakasyon na pero dahil international kindergarten naman ang ipinakilala ni Cassandra, bukas ito buong taon.

Hindi na mag-aalala si Ynnah na maiiwang mag-isa si Casper buong araw dahil mag-aaral na ang anak