Kabanata 29

Bukod sa pagtulog at pagkain, ibinuhos naman ni Adrien ang kanyang sarili sa pagtatrabaho sa kumpanya mula araw hanggang sa gabi. Lahat ng mga gamit na naiwan sa bahay ni Gino na pagmamay-ari ni Ynnah ay kinuha naman ni Benjamin.

Hindi naman nakaiwas sa paningin ni Benjamin ang biglang pagbabago ni Adrien nang bumalik ito. Tila ba ay may sarili na itong mundo at hindi na makausap.

Nag-alala siya sa kinikilos ng kaibigan kaya naman ay tinanong niya si Lucas para malaman ang dahilan.

“What happened with Adrien, Lucas?”

Umiling si Lucas bilang indikasyon na wala siyang ideya.

“Wala akong alam kung anong nangyari sa kanya.” sabi niya at huminga nang malalim. “Naniniwala ka bang may nararamdaman si Sir Adrien kay Ynnah?”

Napatingin sa gawi ni Lucas si Benjamin dahil sa tanong niya at napaisip. “Malay natin, 'di ba?”

Bumalik na siya sa kanyang sasakyan para umalis. May driver naman siya kaya ito na muna ang nagmaneho ng sasakyan niya para makapag-isip siya ng maayos.

Hindi niya mapigilang pi