Kabanata 20

May bagong bagyong nakapasok sa Pilipinas kaya naman ay malakas pa rin ang ulan. Mabuti na lang ay nakalabas na si Ynnah ng hospital at simula sa araw na 'yon, hindi siya hinayaang mag-isa ni Gino.

Nanatili ang lalaki sa tabi niya lalo na ngayong mas lumala ang kalagayan ni Ynnah dahil sa epekto ng kanyang pagpapagamot noong nakaraan. Sa kabila no'n ay nilakasan ni Ynnah ang kanyang sarili. Kahit walang ganang kumain ay pinilit niya ang sarili para gumaling siya.

Nagpapasalamat si Ynnah dahil simula no'ng magkasama sila ni Gino, hindi na nito binanggit ang pangalan ni Adrien. Hindi niya rin gustong marinig ang tungkol sa lalaki sa kabila ng mga ginawa nito sa kanya at iniiwasan niyang makaabala sa mga kaibigan niya.

Minsan na rin siyang napapatitig sa picture ni Adrien, nag-iisip kung paano niya sasabihin dito ang tungkol sa kanilang paghihiwalay pero hinayaan niya na lang muna iyon.

Nagpunta siya ng palengke upang mamili ng mga gulay. Pabalik na sana si Ynnah sa bahay nang biglang may