Kabanata 15

Isang malakas na paghinga ang pinakawalan ni Ynnah nang mahulog ang cellphone dahilan para masira ang screen nito ng mabasa sa ulan. Yakap ang inukit na puppet ng ama, Isinandal ni Ynnah ang kanyang ulo sa puntod ng ama.

Napatitig siya sa ulan na tila ba ay nandoon ang ama niya, nakangiting naglalakad sa kanyang direksyon.

Para kay Ynnah, kahit pa ang mapagmahal na tao ay hindi magpakatotoo at ang mga walang damdamin ay magpakatotoo, sa huli ay pagsisisi pa rin ang mananalo. Wala kang mapipilian dahil lahat ay may pagsisisi pa rin pagdating ng araw.

.....

Sa mansyon ng mga Alleje.

Kanina pa tinitigan ni Andrei ang cellphone at tawag nang tawag kay Ynnah. Nagsimula na siyang kabahan dahil hindi niya na makontak ulit si Ynnah.

Napahilamos siya ng mukha dahil ang recorded na boses ng customer service ang nagsasalita sa kabilang linya.

“The number you have dialed is unattended, please dial again later...”

Inis niyang hinablot ang coat sa tabi para suotin ito bago tumayo. Akmang lalabas na