Chapter 26

HINDI MAPAKALI si Anastacia. Pilit niyang isinisiksik sa kaniyang isipan na hindi si Alessandro ang lalaking iyon pero kilala niya ang asawa. Alam niya ang pangangatawan nito. Ang tindig. Ang tangkad at lalong lalo na ang epekto nito sa kaniya.

Pabiling-biling siya sa kama niya, hindi makatulog. Nahagip ng kaniyang paningin ang tatlong pulang rosas na nasa babasaging baso na may tubig. Kinagat niya ang pang-ibabang labi at hindi napigilan ang malakas na pintig ng kaniyang puso.

Tama nga ba si Carla? Nahulog na nga ba siya sa kaniyang asawa?

Natutop niya ang sariling bibig nang sagutin ng naghuhurumentado niyang puso ang kaniyang mga tanong.

KINABUKASAN ay maaga muling gumising si Anastacia at Carla. Tulad kahapon ay maaga silang pumunta sa palengke para magtinda at tulad rin kahapon ay malakas ang benta nila.

"Ganda lang naman ang mayroon 'yan. Tiyak na boba rin iyan."

Tumaas ang kilay ni Anastacia sa narinig. Nakakatawa lang na kaaway ang tingin sa kaniya ng ilang tindera dahil mas