Chapter 93.1

“Ate, siya ba ang anak mo?” tanong ni Virgie sa tabi ko habang nakatingin kay Clarissa na naglalaro na naman mag-isa sa labas ng bahay kasama ng manika niya.

“Oo. Ang ganda niya hindi ba?”

“Oo ate, ang ganda niya.” Ang sabi niya sa akin.

“Pero ate, paano tayo makakalapit sa anak mo?”

Hindi ko rin alam. Gusto kong ibigay ito sa kaniya ngayon ang regalo ko.

Naghintay muna kami ng ilang sandali at nang makita na sandaling umalis ang mga guards sa gate, nagtangka akong lumapit ngunit nakita ko si Quilacio kasama ng kaibigan niyang si Renan na lumabas mula sa loob ng bahay nila at nag-usap sa harapan ng pintuan.

Napatago ako muli at nanlalaki ang mata nang mamataan ko si Renan. Nandito siya?

Tumingin si Virgie sa akin nang nagtataka.

“Papa niya iyon ate?” tumango ako nang ituro ni Virgie si Quilacio.

“Ako na ang mag-aabot ate.” Kinuha bigla ni Virgie ang regalo para sa anak ko at agad na kumaripas ng takbo papalapit sa gate.

Nanlalaki ang mata ko habang nakatingin sa kaniya. Jusko