Chapter 95

“Ate, ano mararamdaman mo kapag 3 months ka ng buntis?” tanong ni Virgie habang kumakain ng manggang hilaw.

Hawak ko pa ang tabo at damit dahil marami pa siyang tanong kaya hindi ako makaligo.

“Depende,”

“Aw. Talaga ate? Hindi ka ba nagsusuka? Mahihilo? Hindi ba ganoon ang buntis gaya no’ng nasa mga pelikula?”

No’ng kay Clarissa, nahihilo nga ako pero dito sa pangalawa, parang wala naman ako masiyadong problema.

Nagmana siguro sa akin ito.

“Depende talaga e,”

“Ah.. Sana naman hindi ako pahirapan ng baby ko,” aniya na halata namang excited at sobrang masaya.

“Hindi iyan. Sinabi mo na ba kay Alfred?”

“Yes ate at tuwang tuwa nga po siya. Sabi niya, gusto niya na bago lumabas si baby namin e magpakasal na kami.”

Ngumiti ako at natuwa.

Wala akong masabi kay Alfred dahil mabait naman talaga at responsable. Saka masaya lagi si Virginia sa kaniya and that's more than enough for me.

“Oh e anong sabi mo?”

“Sabi ko sa kaniya ate na sige kasi mahal na mahal naman namin ang isa’t-isa a