Chapter 96.1

“Tao po,” tumambad sa harapan ko si Ernesto. Ang baklang kapit-bahay ko na suki manghingi ng ulam sa akin.

“Pasok ka,” sabi ko.

“Pinapanood mo iyan?” tanong niya sa akin habang nakatingin sa TV kung saan bali-balitang dinadakip ng pulisya ngayon si Renan.

Umabot ng halos anim na buwan ang kaso at ngayon, nahatulan na siya ng guilty sa patong patong na kasong isinampa sa kaniya.

“Gusto ko siyang patayin,” puno ng gigil na sabi ko.

“Tanya,”

Nanginginig ako sa galit habang nakatingin sa mukha ni Renan sa TV. Hayop siya!

Naramdaman ko nalang na niyakap ako ni Ernesto.

“Kumalma ka Tanya… Tapos na ang problema mo. Pwede mo ng balikan ang mga anak mo.” Ang bulong sa akin ni Ernesto.

Napahagolhol ako sa sinabi niya.. Makukuha ko na ang anak ko. Tama, tapos na ang lahat Tanya.

Kumalat ang buong balita sa Pinas. Sa kahihiyan, umalis ang ama ni Renan dito at pumuntang Europe. Si Renan, nakulong..

Mahihirapan na silang bawiin ang impluwensya ng pamilya nila dahil sa nangyari at kasabay