Chapter 99.1

Tulala akong naglalakad papunta sa itinuro sa akin kung saan ang puntod ni Virgie.

Malayo palang, natanaw ko na ang litrato niyang nakangiti. Kahit tumanda siya, maganda pa rin siya.

Nilapag ko ang bulaklak at sinindihan ang kandila.

Nilinis ko rin ang dumi na nasa paligid niya. At nang makuntento na ako ay saka pa ako, umupo.

"Virgie, kamusta ka na?"

Ngumiti ako habang nakatingin sa litrato niya. Nagkita rin kami ngayon. Matapos ng mahabang paghahanap, nandito lang pala siya sa Salay all the time.

Pinahanap ko pa sila sa Cebu ni Alfredo, halos paikutin ko na ang buong Visayas, iyon pala nandito lang sila.

Wala akong karapatan na sumbatan siya o magalit sa kanila ni Leon dahil wala silang ibang ginawa kun'di ang alagaan at palakihin ang anak ko.

"Pasensya na at inabot ako 28 years bago ka napuntahan ulit," may tumulong luha sa mata ko.

"Kamusta ka na diyan sa langit? Masaya ka ba?"

Miss ko na siya. Sobrang miss ko na siya dahil no'ng napadpad ako dito sa Salay, hindi ko