Chapter 98.1

Kalat sa maraming tao ngayon ang pagpapahiya ni Quilacio sa anak naming si Clarissa. Matapos niya akong sumbatan sa lahat ng naging kasalanan ko sa kaniya, naiintidihan ko na si Manilou.

Kung bakit importante sa kaniya ang kaligayahan ni Rod.

Dahil no’ng umiyak si Clarissa sa harapan ko, doon ko napagtanto na hindi pera o kayamanan ang gusto niya.. Iba ang kasiyahan niya na hindi ko alam kung ano.

“Tumahimik ka! Wala kang kwenta!” Rinig na rinig nang lahat ng tao na dumalo sa party na ito ang sinabi ni Quil habang dinuduro ang anak namin.

Hindi na ako nakapagpigil, nasampal ko si Quilacio na sana noon ko pa ginawa. Nanginginig ang kamay ko sa ginawa niya sa anak ko.

Nagulat silang lahat sa ginawa ko. Naramdaman ko nalang na sinampal ako ng asawa ni Quilacio ngunit sinampal ko rin siya pabalik.

Matagal na rin ako nagtitimpi sa babaeng ito. Marami siyang ginawang kasalanan sa anak ko. Alam ko ang mga pinaggagawa niya kay Clarissa at hindi nalang ako basta tatayo at panoorin sila na