Chapter 37

Nanlalaki ang mata ni Clarissa sa ginawa ko. Umawang pa nga ang labi niya sa gulat pero hindi ko mapapalampas ang ginawa niya kay Rod.

“HA-YUUUP KA!” Malakas na sigaw niya ngunit inunahan ko siyang sampalin.

“Hindi ako ang asawa pero anong klaseng babae ka? Bakit mo pinabayaan si Rod? Ngayon, may gana ka pang magalit? Kasi blinock niya ang ATM cards mo?”

Tumingin siya kay Rod.

“So nagkabalikan pala kayo ng kabit mo, Rod?”

Sinampal ko ulit siya sa galit ko na tinawag niya akong kabit. Napahawak siya sa pisngi niya.

“Kailanman hindi ako kabit. Ano man ako noon, iyon ay dahil wala akong kapangyarihan para ipaglaban ang karapatan ko.”

Pinagtanggol ko si Rod pero matapos kong sampalin si Clarissa, malakas na hinablot ni Rod ang kamay ko.

“Anong ginagawa mo?” kunot noong tanong niya.

Natulala ako.

“Rod, sinasaktan ka ng babaeng yan!” Ang sabi ko.

“Asawa ko ang sinasampal mo,” puno ng gigil na sabi niya.

Natigilan ako at parang napahiya. Nakita ko ang ngisi sa labi ni Clarissa.

“