Chapter 40

Nagmulat ako ng mata nang maramdaman ko na may kung anong bagay ang dumampi sa gilid ng labi ko. Nang magmulat ako ng mata, nakita ko si Rod na mahimbing na natutulog sa hita ko.

Nasa sofa pa rin kaming dalawa ngayon.

“Rod,” tawag ko sa kaniya.

Nagmulat siya ng mata. Akala ko babangon ulit siya, pero nagulat ako ng makitang pumikit ito. Matutulog ulit siya?

Nakagat ko ng mariin ang labi ko.

Wala ba siyang plano na tumayo?

“Tayo na Rod, magluluto na ako.” Ang sabi ko sa kaniya. Tapos kailangan pa niyang maligo. Nakasimangot ang mukha niya ng umupo siya sa sofa.

“Maayos na ang pakiramdam mo?” ang tanong ko.

“Wala naman akong sakit,” pagsusungit niya. Ngumuso ako. Balik na naman yata kami sa dati.

“Luto ako lomi. Gusto mo?”

“Lomi? Not the quick chow, right?”

Naitikom ko ang labi ko sa sinabi niya. Naalala pa niya yun?

“Masarap naman yung quick chow, ah?” sabi ko, pinipigilang matawa.

Ayaw niya sa quick chow. Sinamaan niya ako ng tingin.

Natatawa akong lumapit sa kaniya at it