chapter 265

“ANAK NG TETENG naman.  Bakit ka naman nagpapakalasing ng ganyan?”

            Tiningnan lang ni Randell ang baklang kaibigan saka muling tumungga ng whisky.  Hindi niya alam kung lasing na talaga siya dahil parang lahat ng lalaki ay mukha ni Jestoni ang nakikita niya.

            Naiinis na siya sa sarili niya dahil kahit anong gawin niya ay di naman niya ito makuhang kalimutan.  Alam niyang napaka-stupid niya dahil sa kabila ng ginawa nito, di niya ito magawang burahin sa puso at isipan niya.

            Tumunog ang kanyang cellphone.  Nagmamadali niya itong kinuha sa kanyang bulsa sa pag-aakalang si Jestoni ang tumawag sa kanya.  Pero si Danny pala iyon.

            “Danny?”