CHAPTER 273

NAPABALIKWAS SI OLIVIA.  Ang sama-sama ng panaginip niya.

            Bumangon siya at kumuha ng tubig na maiinom.  Paglabas niya ng kuwarto ay dinatnan niya sa salas ang Mama ni Gabriel.

            “Hindi ka rin ba makatulog?” Tanong nito sa kanya.

            Tumango siya.

            “Maupo ka.  Mag-usap tayo,” sabi nito sa kanya.  Bagama’t hindi sila nito gaanong nag-uusap ay hindi rin naman niya ito pinapakitaan ng masama.  Ina pa rin ito ni Gabriel at sa kabila ng mga kasalanang ginawa nito sa kanya, nakuha pa rin niya itong patawarin.

            Naupo siya sa couch.

       &