CHAPTER 289

“NIKS. . .” Masayang-masayang niyakap ni Tonet ang kasintahan.  Hindi na naman niya mapigilan ang pagpatak ng kanyang mga luha.  Akala talaga niya ay hindi na niya ito makikita pa.  Nuong huli silang magkasama ay ang hina-hina na nitong tingnan ngunit nagulat siya nang makita niya itong muli, medyo bumalik na sa dati ang porma nito.

            Kulay rosas na rin ang mga pisngi nito hindi paris nuon na ang putla-putla.

            “Nung sabihin sakin ni Gabriel na nakapag-book na siya ng ticket para sa inyong lahat, iyak ako ng iyak sa sobrang saya.  God, I missed you so much!” Sabi ni Anika sa kanya.

            “Hmm, mamaya na ang loving-loving.  Saan ba me masarap na kainan dito, duon tayo mag-lunch!” Sabat ni Nanay Becca  sa dalawa