Chapter 1

Bella's POV

Apat na taong gulang pa lang ako ng namatay ang Nanay ko, ang Tatay ko naman ay hindi ko na nakilala pa. Ang kwento sa akin ng Tito Nathan ko noon ay naglaho na lang na parang bula ang Tatay ko ng nalaman niyang buntis ang Nanay ko. Nag-iisang kapatid ni Nanay si Tito Nathan kaya sa kanya ako naiwan ng namatay ang Nanay ko. Kahit na may pamilya na si Tito Nathan at mahirap lang din sa buhay ay tinanggap niya pa rin ako sa pamamahay nila at tinuring niya akong parang totoo niyang anak.

Tuwing umuuwi ito galing sa trabaho ay palagi itong may pasalubong sa anak niyang Eloiza. Kung ano ang pasalubong niya kay Eloiza ay ganoon din sa akin, mapa laruan man ito o damit. Ang akala ni Tito Nathan ay tanggap din ako ng asawa niya, pero hindi niya alam sa tuwing wala ito sa bahay ay palagi akong pinapagalitan ni Tita Eliza. Palagi rin akong inaaway ni Eloiza. Hindi ko maintindihan kung bakit hindi maganda ang trato nila sa akin. Ginagawa ko naman lahat ng utos nila, tumutulong naman ako mga gawaing bahay at hindi ako pasaway na bata.

Gusto ko mang sabihin kay Tito Nathan ang ginagawa ng mag-ina niya sa akin tuwing wala siya sa bahay pero pinipigilan ko ang sarili ko. Ayaw kong mag-away sila ng dahil lang sa akin.

Hindi na ako nakapagtapos ng college dahil tumigil na ako sa pag-aaral para tulungan si Tito Nathan sa mga gastusin sa bahay. Nagtrabaho ako bilang isang crew sa fastfood. Sa isang University kasi nag-aaral si Eloiza at ang mahal ng tuition niya roon kaya kahit magkandakuba man sa pagtatrabaho si Tito Nathan ay hindi niya kakayanin kung pati ako ay mag-aaral pa. Simula ng pumasok si Eloiza sa isang University ay palagi na silang nag-aaway ni Tita dahil kulang ang sahod ni Tito Nathan para tustusan ang pag-aaral ni Eloiza.

"Kulang na nga ang sahod mo ay may palamunin ka pa rito!"

'Yan ang palaging sinasabi ni Tita Eliza kapag nag-aaway sila. Kung noon ay tinatago pa ni Tita Eliza ang pagkadisgusto niya sa akin, ngayon ay lantaran na ito. Wala namang magawa si Tito Nathan dahil ang sabi niya ay obligasyon niya ang pamilya niya.

Naawa ako kay Tito Nathan kaya napagpasyahan kong magtrabaho bilang isang waitress at dancer sa The Shire, isang high end club. Twice a week ang schedule ko sa pagsasayaw. Hindi basta-bastang sayaw lang ang ginagawa namin doon. Anim kaming nagsasayaw sa entablado ng club na halos wala ng saplot dahil ang suot lang namin ay kapirasong bra at undies lang. Nilunok ko na ang pride ko. Malaki ang kinikita namin sa pagsasayaw dahil malaki-laki rin ang tip na nakukuha namin. Total hindi naman nila ako makikilala. Kapag sumasayaw kami sa entablado ay nakasuot kami ng maskara, hindi kami pwedeng magsalita, hindi kami pwedeng i-table at lalong-lalo na ay hindi kami pwedeng ilabas ng bar ng mga customer. 'Yon ang patakaran sa club na ito. Sa ilang taon kong pagtatrabaho rito ay maraming beses na akong inalok na ilabas ng customer pero ayaw ko.

Pwede na sana akong bumukod pero naaawa ako kay Tito Nathan dahil walang mag-aalaga sa kanya. Palagi itong pagod sa trabaho pero hindi ito maasikaso ng mag-ina niya. Hindi sila nagluluto, naglilinis ng bahay at naglalaba, ako lahat ang gumagawa no'n kahit na pagod din ako sa pagtatrabaho.

Ang akala ko ay magiging maayos na ang turing ng mag-ina sa akin pero nagkamali ako, kahit na malaki-laki na ang naaabot kong pera kay Tita Eliza ay ganoon niya pa rin ako kung ituring, isang palamunin lang sa bahay nila at hindi bilang isang pamilya.

Nang makilala ko si Adrian, boyfriend ko ngayon, ay wala akong balak na sagutin ito, pero hindi niya ako tinitigilan. Hanggang sa palagi na itong pumupunta sa bahay. Palagi rin itong may dalang masasarap na pagkain at regalo kay Tita Eliza at Eloiza. Mayaman si Adrian, may restaurant ang pamilya niya at iba pang business. Ang hindi ko lang maintindihan kung bakit sa dinami-daming babae sa mundo ay ako pa ang napili niyang ligawan.

Napilitan akong sagutin si Adrian dahil binayaran pala nito ang utang ni Tita Eliza sa isang sugalan. Lumaki nang lumaki ang utang nito roon kaya nagmakaawa ito sa akin na sagutin ko na lang si Adrian para hindi na siya pagbayarin ni Adrian. Natatakot din ito at baka malaman ni Tito Nathan ang pagsugal niya.

Ilang beses ko ng sinubukang hiwalayan si Adrian pero palagi lang ako nitong bina-blackmail na isusumbong niya raw kay Tito Nathan ang pinaggagawa ni Tita. Kaya kahit na sukang-suka na ako sa pag-uugali ni Adrian ay wala akong magawa. May sakit sa puso si Tito Nathan at natatakot ako na baka hindi niya kayanin kapag nalaman niyang nalulong sa sugal si Tita.

Ngayon ay anniversary na namin ni Adrian at nandito ako ngayon sa labas ng condo unit niya kung saan siya nakatira. Dala ko ang 100,000 para sa paunang bayad ko kay Adrian. Matagal ko rin itong pinag-ipunan at ang iba ay hiniram ko kay Adrianna at Ski, kasama ko sila sa club bilang isang dancer at waiter. Ayaw ko na! Hindi ko na kaya pang makipagrelasyon sa kanya! Alam ko namang katawan ko lang ang habol niya sa akin. Ilang beses na siyang nagtangkang makipagtalik sa akin pero hindi natutuloy dahil hindi niya ako mapilit. Sa tuwing hindi natutuloy ang balak niya ay nagagalit ito sa akin. Hindi niya ako masaktan kaya binabaling niya na lang ang galit niya sa ibang bagay. Isa iyon sa ikinakatakot ko sa kanya. Maraming beses ko na siyang nakita kung paano siya magalit. Lahat ng mahawakan niya ay sinisira o binabasag niya.

Humugot muna ako ng malalim na hangin bago pinindot ang doorbell. Ang sabi sa akin ni Adrian ay may hinanda raw siya para sa anniversary namin ngayon. Hindi ako nagpunta rito para magcelebrate, kaya ako nagpunta rito ay para makipaghiwakay at ibigay ang paunang bayad ko kay Adrian.

"Honey! I'm glad you came!" Masayang wika nito ng mabuksan ang pinto.

Lumapit ito sa akin at humalik sa pisnge ko. Yumakap rin ito sa akin. I tapped his shoulder.

"Pumasok na tayo." Aya ko sa kanya at tipid na ngumiti.

Nagdala ako ng pepper spray para kung sakaling may gawin siyang hindi maganda sa akin ay may panlaban ako sa kanya. Hindi ko alam kung ano ang magiging reaksyon niya mamaya kaya mas mabuti ng handa ako.

Dumeritso kami sa dinning room niya. May nakahanda roong pagkain at may bulaklak pa. Halatang pinaluto niya pa sa Chef nila ang mga pagkaing nakahanda ngayon.

"Adrian, may sasabihin ako sa 'yo." Panimula ako.

Ayaw ko ng magpaligoy-ligoy pa. Gusto ko ng umalis dito at makawala sa relasyon namin.

"Kumain na muna tayo, okay?" Aniya.

Pinag-urong niya ako ng upuan at pinaupo roon. Binigay niya sa akin ang bouquet ng bulaklak. Napatingin naman ako roon. Mariin kong itinikom ang bibig ko.

"Happy Anniversary." Nakangiting wika nito.

"Adrian, dala ko na ang pangbayad---"

"Let's not ruin our anniversary, Bella." Mariing sabi nito habang nakangiti.

Napabuga ako ng hangin at napatitig sa kanya.

"Okay." Tipid na sabi ko.

Nilagyan niya ng wine ang wineglass at binigay sa akin. Agad ko naman itong ininom at pinatong sa mesa ang wineglass. Kinuha ko ang sobre mula sa bag ko at pinatong sa mesa.

"100,000 'yan. Sa susunod na ang kulang." Sabi ko.

"Hindi naman kita sinisingil." Nakangising wika nito.

"Let's break up. Hindi naman kita mahal at alam mong napipilitan lang ako sa 'yo dahil sa pagbayad mo ng mga utang ni Tita Eliza." Matigas na sabi ko.

Natigilan ito sa sinabi ko, "hmm.." Pinaglaruan nito ang wineglass na hawak niya. "Alam mo ba kung bakit hindi kita sinisingil?" Anito habang nakatitig sa akin, "it's because....I don't need money."

Napahawak ako sa sintido ko. Biglang sumakit ang ulo ko.

"Ano ba ang akala mo kung bakit kita niligawan? Yes, you're beautiful and you have a nice body, aside from that? Nah! You're nothing." Pang-iinsulto nito.

Mahina akong napadaing. Nahihilo ako. Nakita kong tumayo ito at lumapit sa akin.

"Sapat ng kabayaran ang katawan mo." Aniya.

Tinulak ko siya pero mas malakas ito sa akin. Marahas nitong hinila ang kamay ko patayo. Napahawak naman ako sa braso niya. Sinubukan ako nitong halikan sa labi pero nakaiwas ako. Sinampal naman ako nito kaya malakas akong napadaing sa sakit.

"A-anong nilagay mo sa i-inumin ko?" Nauutal na tanong ko.

"Hindi mo na kailangang malaman," mahina itong tumawa, "ang importante ay maaangkin na kita ngayong gabi. Pagsasawaan ko ang katawan mo." Lumakas ang tawa nito.

Binuhat ako nito kaya nagpumiglas ako at sinusuntok ang likod niya. May konteng lakas pa akong natitira. Kaya ko pang lumaban! Kaya ko pang makawala sa demonyong ito!

"Bitawan mo ako! Demonyo ka!" Malakas na sigaw ko.

Paulit-ulit kong sinusuntok ang likod niya hanggang sa naramdaman ko na lang na nilapag niya na ako sa kama. He pinned me in his bed at pilit na hinalikan ang labi ko. Kahit anong pagpumiglas ko ay mas malakas siya sa akin.

Shit! Hindi pwede ito!

Kinalma ko ang sarili ko. Kailangan kong makawala sa kanya.

"A-adrian?" Mahinang tawag ko sa kanya.

Napatingin naman ito sa akin, I cupped his face. Kailangan ko 'tong gawin para makaalis ako rito! Hinalikan ko siya sa labi. Nagulat ito sa ginawa ko pero kalaunan ay tumugon din ito sa halik ko. Kahit na nandidiri ako ay kailangan kong magpanggap!

Naging marahas ang halik nito sa akin.

"I-I want on t-top." Sabi ko sa pagitan ng halik namin.

Pinagpalit naman nito ang pwesto namin. Nakaupo na ako ngayon sa t'yan niya. Putangina! Ni minsan hindi ko pa ginawa 'to! Pero, kailangan kong maging matapang ngayon!

"Bibigay ka rin pala sa akin." Nakangising wika nito at hinawakan ang bewang ko.

Hinaplos ko ang dibdib nito, "maybe...it's the wine." Malanding sabi ko.

Hihilahin na sana nito ang leeg ko para halikan ako pero tinapik ko ang kamay niya at mahinang kinalas ang butones ng damit ko. Nanginginig ang kamay ko. Napatitig naman sa akin si Adrian.

Tumayo ako at kinalas ang pangatlong butones ng damit ko. Tinaas ko ang isang paa ko at kiniskis sa legs niya. Shit, Bella! Nakita ko naman kung paano lumagkit ang titig ni Adrian sa akin. Nang makakuha ako ng bwelo ay malakas kong sinipa ang pagkalalaki niya.

"Fxxccck!" Malakas na sigaw ni Adrian.

Kinuha ko ang peper spray at ni spray iyon sa mukha ni Adrian. Sumigaw ito ng malakas.

"Damn you, Bella! Papatayin kita!" Malakas na sigaw nito habang sapo-sapo ang mukha niya.

Mabilis akong tumakbo kahit na nahihilo ako. Mabuti nalang at sa bulsa ko nilagay ang pepper spray. Nakita ko ang bag ko sa sahig kaya pinulot ko ito at tumakbo papalabas sa condo ni Adrian. Nahirapan pa akong buksan ang pinto dahil biglang sumakit ang ulo ko. Umiiyak ako habang tumatakbo. Malapit na ako sa elevator kaya sumigaw ako. May nakita akong lalaking nasa loob. Mabilis akong pumasok sa elevator.

"Bella! Fxck!" Rinig kong malakas na sigaw ni Adrian.

"H-help me. Please, tulungan mo ako!" Pagmamakaawa ko sa lalaking nasa elevator.

Hindi ko makita ng maayos ng mukha niya dahil nahihilo ako at punong-puno ng luha ang mga mata ko sa kakaiyak.

"Hey! Hush now." Anito sa baritonong boses niya.

Sinandal ako nito sa elevator. Magkaharap kaming dalawa, nakatalikod siya sa pinto ng elevator. He covered me with his body. Napahawak naman ako sa damit niya, sinandal ko ang noo ko sa matigas niyang dibdib at doon mahinang umiyak.

"Bella!" Galit na sigaw ni Adrian.

Humigpit ang pagkakahawak ko sa damit niya. Natatakot ako!

"You're safe now.' Anito.

Doon na lumakas ang pag-iyak ko. Mahigpit ko siyang niyakap habang nanginginig ang katawan ko. Hindi ko alam kung sino ang lalaking ito pero wala na akong pakialam. Iniyak ko lahat ng takot at galit na nararamdaman ko.

Inalalayan ako nito ng bumukas na ang elevator. Hindi ko alam kung nasaang floor na kami ngayon.

"S-salamat ha?" Ani ko.

Pinunasan ko ang mata at mukha ko at tinitigan ng maayos ang mukha niya. Bahagya akong natulala. Napakagwapo nito! At base sa suot niya ay isa itong mayamang tao.

"Let's go to my unit first. Ihahatid kita sa police station mamaya," aniya at napatingin sa akin, hinubad nito ang coat niya at pinasuot sa akin, "wear it." Aniya at nag-iwas ng tingin.

Nanlaki ang mga mata ko. Bukas pala ang butones ng damit ko.

"S-salamat." Nahihiyang sabi ko.

"Can you walk?"

Umiling ako, "nahihilo ako." Sagot ko sa kanya.

Inalalayan ako nitong maglakad hanggang sa makapasok na kami sa condo niya. Pinaupo niya ako sa couch niya at umalis sandali. Pagbalik niya ay may dala na itong baso ng tubig.

"What happened to you?" Tanong nito ng makaupo ito sa couch.

Binigay nito sa akin ang isang baso ng tubig. Ininom ko naman ito dahil nakaramdam ako ng matinding pagkauhaw.

"M-muntik na akong pagsamantalahan." Mahinang sagot ko pagkatapos kong inumin ang tubig.

I saw how his jaw clenched.

"Sino ang nagtangka sa 'yo?"

"Adrian, ex-boyfriend ko. Siya 'yong lalaki kanina na tinatawag ang pangalan ko." Sagot ko sa kanya, "Ysabella ang pangalan ko, but you can call me Bella." Pagpapakilala ko sa kanya.

Napasandal ako sa couch niya. Nahihilo pa rin ako.

"I'm Atty. Damian de Dios. I will help you." Mariing sabi nito.

Minulat ko ang mga mata ko at napatitig sa kanya. Nang magsalubong ang mga mata namin ay nag-iwas ako kaagad ng tingin. Para akong natutunaw sa mga titig niya.

"A-attorney...wala akong balak magsampa ng kaso. Ang gusto ko lang ay makawala sa lalaking 'yon." Ani ko.

Ayaw ko ng lumaki ang gulo. Hindi naman siya nagtagumpay sa binabalak niya. Baka kung ano pa ang mangyari kay Tito Nathan kapag nalaman niya ang nangyari sa akin ngayon.

"That son of a bitch tried to rape you at hindi ka magsasampa ng kaso? What are you afraid of? I will help you." Pagalit na sabi nito.

Napahawak ako sa sintido ko.

"Did he drugged you?"

"S-siguro...pagkatapos kong uminom ng wine kanina ay nahilo ako at sumakit ang ulo ko." Sagot ko sa kanya.

"Damn it!" mura nito, "hintayin mo ako rito." Aniya.

Hindi na ako sumagot. Nakapikit lang ang mga mata ko. Maya-maya pa ay naramdaman ko na lang ang pag-upo nito sa tabi ko.

"Take this." Aniya.

May pinainom siya sa aking gamot. Sumandal ako ulit sa couch. Hindi ko na kaya ang hilong nararamdaman ko.

"You can rest here." Anito.

"Thank you. Hmm." Bulong ko.