Chapter 3

Bella's POV

Dalawang araw na ang nakakalipas ng nakipaghiwalay ako kay Adrian. Simula no'n ay palagi akong nakakatanggap ng mga messages galing sa kanya, puro pananakot ang mga ito. Hindi na lang ako nagrereply sa kanya, gusto ko mang i-block na lang ang number niya pero hindi ko ginawa. Kung sakaling may gawin ulit siyang masama sa akin ay pwede ko iyong gawing ebidensya.

Mabuti na lang at hindi na pumunta si Adrian sa bahay. Halata rin sa Tita ko na parang balisa ito. Mukhang natatakot siya na malaman ni Tito Nathan ang pagsusugal niya. Ang malala pa roon ay malaki ang utang niya kay Adrian. Nag-umpisa lang ito sa 20,000 hanggang sa lumaki na ito. Napansin ko rin nitong mga nakaraang araw ay parang biglang bumait si Tita Eliza sa akin. Siguro ay dahil sa nalaman niyang muntik na akong magahasa ni Adrian.

May duty ako ngayon sa The Shire at schedule ko mamaya para sumayaw kaya maaga akong nag-ayos para maaga rin akong makaalis. Kailangan ko pang make-up-an ang sarili ko. Pagkatapos kong sumayaw mamaya ay magiging waitress na naman ako. Kailangan kong magdoble kayod dahil malaki-laki pa ang kailangan kong bayaran kay Adrian.

"Anak, ako na ang maghuhugas ng mga pinagkainan natin. Mukhang uulan ngayong gabi. Pumasok ka na sa trabaho mo." Ani Tito Nathan.

"Ako na po, Tito. Maaga pa naman, at tsaka mabilis lang naman maghugas nito." Nakangiting wika ko.

"Bella, hayaan mo na 'yan d'yan. Si Eloiza na ang maghuhugas." Sabat ni Tita Eliza.

Nagulat naman ako sa sinabi nito kaya napatingin ako sa kanya. Nakaupo ito sa sala at nanonood na ng paborito niyang palabas sa TV. Himala at pinaghugas niya ang unica hija niya.

"What? Ako ang maghuhugas? No way!" Ma-arteng pagtutol ni Eloiza.

Mula pagkabata ay spoiled ito kay Tita kaya hindi ito sanay sa gawaing bahay. Tamad din ito. Kahit na utusan siya na maglinis ng kwarto niya ay hindi niya ginagawa. Kahit nga assignments niya noon ay ako pa ang gumagawa. Kahit ilang beses na pinagsasabihan ni Tito si Eloiza ay hindi naman ito nakikinig sa kanya. Sadyang matigas ang ulo nito katulad ng Nanay niya. She's a spoiled brat, poor version nga lang dahil hindi naman kami mayaman.

"Bilis na, Eloiza!" Pagalit na sabi ni Tita.

Nagkatinginan naman kami ni Tito Nathan. Nagkibit balikat ito sa akin at napapailing. Tumayo si Eloiza at nagdadabog na naglakad patungo sa kusina.

"Bakit kasi hindi na lang ikaw ang naghugas nito?" Inis na sabi nito sa akin.

"Eloiza! Ngayon ka lang maghuhugas ng plato. Huwag ka ng magreklamo." Pagalit na sabi ni Tito.

Wala ng nagawa si Eloiza kung hindi ang hugasan ang mga pinagkainan namin. Sumenyas naman si Tito sa akin na umalis na ako kaya ngumiti ako sa kanya. Humalik ako sa pisnge niya.

"Mag-ingat ka, Bella."

"Opo, Tito. Alis na po ako. Matulog ka ng maaga." Bilin ko sa kanya bago umalis.

Nang makarating na ako sa club ay dumeritso na ako sa dressing room naming mga dancers Naabutan ko roon si Adrianna na naglilinis ng table.

"Hello, Addy."

"Mi Bella! Ang aga mo naman yata?" Aniya.

"Parang uulan kasi, tsaka, kailangan ko pang magmake-up." Sagot ko sa kanya.

"Oh, right! Schedule mo pala ngayon."

"Oo, tsaka after kong sumayaw mamaya ay magwe-waitress din ako." Saad ko.

"Kailangan mo ring magpahinga, Girl. Baka mahimatay ka na naman sa sobrang pagod mo." Ani Adrianna.

Napabuntong-hininga ako. Kailangan kong makaipon kaagad ng pangbayad kay Adrian para mabawasan na ang problema ko.

Ngumiti ako kay Adrianna, "kaya ko 'to! Sana makarami tayo ng tip mamaya."

"Sana nga, Belle," aniya at ngumiti rin sa akin, "nga pala, nakausap ko kanina si Michelle. Malapit na ang anniversary ng The Shire. Magsasayaw daw tayong lahat sa iisang stage ng sabay."

Oo nga, ilang linggo na lang at anniversary na ng club.

"First time 'yan a." Sagot ko sa kanya habang inaayos ang mga make-up na gagamitin ko mamaya.

"Hindi pa raw sure. Pag-uusapan pa raw nila." Aniya.

Nang umalis si Adrianna ay naiwan ako sa dressing room namin. Pumili ako ng susuotin ko mamaya. Napili ko ang pulang set ng undergarments at pulang maskara para itago ang mukha ko. Nang pumatak na ang alas nuebe ay nag-umpisa na akong magmake-up, dapat ay tapos na akong mag-ayos bago mag alas onse ng gabi.

Nang nasa likod na ako ng stage ay hinubad ko na ang suot kong silk robe. Sinenyasan ako ni Michelle na lalabas na ako ng stage. Tumango naman ako sa kanya. Nang narinig ko ang musika ay naglakad na ako papunta sa stage. As usual ay punong-puno na naman ng tao ang club. Halos lalaki ang narito. Nag-umpisa na akong sumayaw. Bumaba ako sa stage at lumapit sa ibang mesa. Kapag lumalapit sila sa akin ay mabilis akong umaalis.

"Hey, Babe." Ani ng isang lalaki.

Regular customer ito dito. Palagi ko siyang nakikita ritong malapit sa stage. May nakita rin akong mga pulitiko na narito.

Nang matapos akong sumayaw ay bumalik ako kaagad sa dressing room namin at nagbihis ng uniform namin bilang waitress.

"Table 25."

Kinuha ko ang tray at nagtungo sa table 25.

"Here's your order, Sir." Ani ko at bahagyang ngumiti.

Nilapag ko sa mesa nila ang mga ni order nilang inumin. Bago ako umalis ay may inipit na 1,000 peperbills ang isang lalaking nasa table na ito sa nakatuck-in kong palda. Nagpasalamat naman ako at umalis na. Natigilan ako ng may makita akong pamilyar na itsura, si Damian. May kasama itong magandang babae sa isang table. Nagtatawanan sila at mukhang close sila dahil nakaakbay ito sa babae. May iba pa silang kasamang mga lalaki.

Nag-iwas ako ng tingin at mabilis na naglakad. Hindi ko napansin na may makakasalubong pala ako kaya nabangga ko ito.

"Sorry, Sir!" Hingi ko ng paumanhin sa kanya.

"It's fine." Tipid na sagot nito at umalis na.

Sinundan ko naman ito ng tingin kung saan siya pupunta. Ganoon na lang ang pagkagulat ko ng umupo ito sa kung saan nakaupo si Damian. Napatingin si Damian sa akin kaya mabilis akong nag-iwas ng tingin at naglakad.

Pagkarating ko sa bar counter ay napasapo ako sa kanang bahagi ng dibdib ko. Ang lakas ng kabog ng puso ko.

"Okay ka lang ba, Belle?" Tanong ni Kathnisse sa akin. Isa rin siyang dancer.

"Oo, Kath." Nakangiting sagot ko sa kanya.

"Table 50, 2nd floor." Ani ng bartender.

Kinuha ni Kath ang order at umalis na para ihatid ang order sa table 50. May kinuha naman akong ibang order, nakakarami na rin ako ng tip ngayong shift.

"Table 28."

Kinuha ko iyon at nagtungo sa table 28. Nang papalapit na ako ay doon ko lang naalala na ito pala ang table kung nasaan si Damian. Napatingin ito sa akin, tipid naman akong ngumiti sa kanya at nag-iwas ng tingin.

"Thank you, Sir! Enjoy your night!" Ani ko at umalis na kaagad.

Nasa labas ako ngayon ng club at nagpapahinga. May 30-minute break ako.

"Bella."

Napalingon ako sa tumawag sa akin. Napatayo ako ng makilala ko ito.

"Attorney.."

"Dito ka pala nagtatrabaho." Aniya.

Tumango ako sa kanya.

"Paano ka nakapunta rito?"

Nasa likod na kasi ito ng club. Kapag break ko ay dito ako palaging nagpapahinga or minsan ay sa dressing room namin.

"I saw you walking here kaya sinundan kita." Aniya at umupo sa bakanteng upuan.

"Ngayon lang kita nakita rito sa club." Wika ko.

"Yes. I rarely go to this kind of place." Sagot nito sa akin.

Tumango ako sa kanya at tumingin sa langit. Napakapayapa nito. Nikayap ko ang sarili ko.

"How are you?"

Nilingon ko siya, "okay naman po ako, Attorney." Tipid akong ngumiti sa kanya.

"Here we go again. Nakalimutan mo na ba ang pangalan ko?" Natatawang saad nito.

"Damian.."

"Right." Mahina itong tumawa.

"Baka hinahanap ka na ng kasama mo sa loob."

Baka hinahanap na rin siya ng kasama niyang babae kanina.

"They won't mind. Until what time ang trabaho mo?" Seryosong sabi nito.

"Until 3 in the morning." Sagot ko sa kanya.

Tumango-tango naman ito sa akin. Natahimik ito at napatitig sa akin. Nailang naman ako sa paraan ng pagtitig niya sa akin.

"B-bakit?"

"That dancer earlier...was it you---"

Hindi ko na siya pinatapos magsalita.

"Hindi ko siya kilala," mabilis na sagot ko, "interesado ka ba sa kanya?"

Nagulat man ay hindi ko iyon pinahalata. Bumilis ang kabog ng dibdib ko. Paano niya nasabing ako 'yon? Nakatakip naman ang buong mukha ko kanina.

Tumahimik ito at seryosong tumitig sa akin. Para akong napapaso sa pagtitig niya sa akin kaya mabilis akong nag-iwas ng tingin.

"B-balik na ako. Tapos na ang break ko." Ani ko at tumayo na.

Tumango naman ito sa akin at sumabay na sa akin papasok ng club. Mabilis akong nagtungo sa bar counter at kinuha ang tray na may laman ng mga inumin.

Napabuga ako ng hangin. Hindi pwedeng malaman niya na ako ang dancer kanina.

Hanggang sa matapos ang shift ko ay iniwasan ko ang table kung nasaan si Damian. Kapag may siniserve ako malapit sa table nila ay nakikita kong napapatingin si Damian sa akin. Hindi ko maintindihan pero nararamdaman ko ang mga titig niya sa akin kaya napapalingon ako sa gawi niya.