Chapter 116.2

PAGKATAPOS NA PAGKATAPOS NIYANG maligo ay kaagad siyang nahiga sa kanyang kama. Sa dami ng nangyari ay pakiramdam niya ay pagod na pagod siya. Nang ibalot niya ang sarili sa kumot ay bigla niyang naamoy ang pabango ni Pierce na naiwan doon kahit na hindi naman ito nagtagal doon. Napasimangot na lamang siya. Pagod na siya kaya tinatamad na siyang magpalit pa ng kumot kaya ipinikit na lamang niya ang kanyang mga mata at nakatulog kaagad.

Ilang araw ang lumipas at dahil sa nangyari ay natutunan na ni Serene ang kanyang leksyon kaya hindi na siya nangahas pa na ayain muli si Mike na kumain sa kanyang unit. Sa halip ay tuwing umaga na lamang niya itong ipinagluluto ng ulam, idagdag pa na palagi din naman itong busy dahil bumalik na ito sa ospital bagamat hindi pa sumasalang sa mga operasyon.

Tuwing hapon ay dumarating si Pierce sa kumain at hindi na nito inulit pa ang ginawa noon, ngunit palagi lang itong humihingi sa kaniya ng halik ngunit sa pabirong paraan.

Nang gabing iyon, habang kum