Chapter 17.1

NANG IMULAT NI SERENE ANG KANYANG mga mata ay wala na siyang katabi. Agad siyang bumangon at ibinalot ang kanyang sarili sa kumot. Dahil wala na nga si Pierce sa tabi niya ay akala niya ay umalis ito ngunit nang itapak niya ang kanyang paa sa sahig at plano sanang magtungo sa banyo upang maligo nang marinig niya ang boses ni Liam na nanggagaling sa siwang ng pinto na nakabukas pala. “Sir, paulit-ulit na sinabi sa akin ng DAddy niyo na kailangan niyong pumunta sa blind date na inayos niya ngayong gabi.” sabi nito.

Bigla siyang natigilan nang marinig niya ito. Makikipag-blind date ito? Dahan-dahang ikinuyom ni Serene ang kanyang mga kamay. Hindi niya alam ngunit para bang may gumuhit na sakit sa dibdib niya at para bang bigla na lamang umahon ang galit mula rito. Hindi na niya hinintay pa ang naging sagot ni Pierce at dali-dali nang tumayo at pumasok sa banyo.

Tinimpla niya ang init na ng tubig at binuksan ang sprinkler. Umagos ang mainit na tubig sa kanyang katawan ngunit halos hindi n