Chapter 17.2

BUMUNTONG-HININGA SI MIKE at pagkatapos ay tumingin sa kaniya. “May isa akong kakilala na nasa ibang bansa at planong magbukas ng isang medical research institute sa bansang Malaysia at iyon ang tinututukan ng research niya. Kung gusto mo ay pwede ko siyang kausapin para magamot si Tita kaso sa ibang bansa nga lang pero wala ka namang gagastusin dahil libre naman iyon.” sabi nito.

Kahit na hindi naman medisina ang larangan ni Serene ay alam niya kung ano ang layunin ng mga research na iyon. Bahagya siyang nag-alinlangan. “Safe ba iyon?” tanong niya rito.

Agad naman na tumango sa kaniya si Mike. “oo naman. Isa pa, hindi lang naman siya basta-bastang tao kundi magaling siyang doktor. Sa tingin ko sa sitwasyon ni Tita ay mayroon siyang napakataas na posibilidad na gumaling doon.” pangungumbinsi nito sa kaniya.

Naisip naman ni Serene na kapag nga ganuon ay high-teh na ang mga kagamitan at talagang hindi din naman talaga basta-basta ang mga doktor na kasali doon. Isa pa, ayaw niya din nama