Chapter 116.3

NAGISING SI SERENE NANG bigla na lamang may bumuhos na malamig na tubig sa katawan niya. Halos manginig siya ng mga oras na iyon at unti-unti niyang iminulat ang kanyang mga mata. Nasaan ako? Tanong niya sa kanyang isip. Inilibot niya ang kanyang tingin sa paligid at doon niya napansin na para bang nasa isa siyang abandonadong gusali. Igagalaw na sana niya ang kanyang kamay nang mapansin niya na nakatali pala ang mga ito maging ang kanyang mga paa at ang kanyang bibig ay may busal na isang panyo.

Ilang sandali pa ay pinilit niyang bumangon. Medyo malabo pa ang kanyang mga mata at pagkatapos ay nakita niya ang isang pigura na dahan-dahang papalapit sa kaniya. Kumurap-kurap siya hanggang sa tuluyan nang luminaw ang kanyang paningin at nakita niya si Sharmaine na nakasuot ng kulay itim na damit at bagamat mukhang mamahalin ang suot nitong damit ay kapansin-pansin ang bibig nito na may sugat sa gilid at ang mata nitong isa ay tila ba namamaga at ang kilay nito ay may pasa na para ba itong