Chapter 21

Nakakunot ang noo ni Maxwell dahil sa pagtataka sa mga sinasabi ni Aaron na konektado na naman kay Natalia. Paanong nakakita ito ng isang batang kamukha ng anak niyang si Tristan, at ang kakaiba pa roon ay niyakap daw ng bata si Natalia? Tiningnan ni Maxwell si Natalia na animo'y pinagmamasdan nito ang kaniyang buong katawan.

Sa pagkakataong ito, kinakabahan ang buong pagkatao ni Natalia at tila huminto na ang tibok ng kaniyang puso. Humigpit ang pagkakahawak nito sa kaniyang telepono habang tinitingnan si Aaron at Maxwell.

Muli, sumigaw si Aaron habang inaasikaso ng mga doktor. "Hoy, kausap kita! Nakita mo si Mr. Tristan kanina 'di ba? Nakatayo siya sa entrance nitong hospital tapos may kasamang isang babae! Matalas ang mga mata ko, Doc, at hinding-hindi ako magkakamali!" nag-explain pa ito kay Natalia para kumuha ng simpatya at pagsang-ayon.

Tama naman si Aaron, nakita niya talaga ang isang batang kamukha ni Tristan. Ngunit ito ang bagay na dapat hindi malaman ng iba lalong-lalo na